فىدان ئانتاليا دىپلوماتىيە مۇنبىرىدىن ئىلگىرى سۈرىيە پىرېزىدېنتى ئەھمەد شارا بىلەن كۆرۈشتى
خاقان فىدان بىلەن سۈرىيە پىرېزىدېنتى ئەھمەد شارا يەر شارى خاراكتېرلىك ئېنىقسىزلىقلارنى باشقۇرۇشقا ئەھمىيەت بېرىدىغان مۇنبەر باشلىنىشتىن ئىلگىرى ئانتاليادا بىر يەرگە جەم بولدى.
تۈركىيە تاشقى ئىشلار مىنىستىرى خاقان فىدان پەيشەنبە كۈنى تۈركىيەنىڭ جەنۇبىدىكى ساياھەت شەھىرى ئانتاليادا سۈرىيە پىرېزىدېنتى ئەھمەد شارا بىلەن كۆرۈشتى.
دىپلوماتىك مەنبەلەرنىڭ بىلدۈرۈشىچە، خاقان فىدان ئانتاليا دىپلوماتىيە مۇنبىرى يىغىدىن ئىلگىرى ئانتالياغا قىلغان زىيارىتى دائىرىسىدە ئەھمەد شارا تەرىپىدىن قوبۇل قىلىنغان.
مۇنبەرنىڭ بەشىنچى نۆۋەتلىك يىغىنى (ADF2026) جۇمە كۈنى ئېچىلىدىغان بولۇپ، يىغىنغا دۆلەت ۋە ھۆكۈمەت باشلىقلىرى، تاشقى ئىشلار مىنىستىرلىرى شۇنداقلا خەلقئارالىق تەشكىلاتلارنىڭ ۋەكىللىرى قاتنىشىدۇ.
تۈركىيە جۇمھۇرىيىتى جۇمھۇر رەئىسى رەجەپ تاييىپ ئەردوغاننىڭ رىياسەتچىلىكىدە تاشقى ئىشلار مىنىستىرلىقى تەرىپىدىن ئۆتكۈزۈلىدىغان «ئەتەنى لايىھەلەشتە ئېنىقسىزلىقلارغا تاقابىل تۇرۇش» تېمىلىق يىغىن يەكشەنبە كۈنىگىچە داۋاملىشىدۇ.