شەنبە كۈنى سىرىناگار رايونىدا باشلانغان باستۇرۇشلارنىڭ دائىرىسى باشقا رايونلارغىمۇ كېڭەيدى. مۇسۇلمان رەھبەرلەر بۇ ھەرىكەتنى ئىسلام دىنى نىشان قىلىنغان زوراۋانلىق ھۇجۇمى دەپ ئاتىدى.
ئالاقىدار تارماقلار ساقچىلارنىڭ بۇ باستۇرۇش ھەرىكەتلىرىنى «چەكلەنگەن بىر تەشكىلاتنىڭ ئىدېئولوگىيەسىنى يېيىش نىشان قىلىنغان كىتابلارنىڭ مەخپىي سېتىلغانلىقىغا دائىر ئىستىخبارات» قا ئاساسەن ئېلىپ بېرىلغانلىقىنى ئىلگىرى سۈدى، ھەمدە يازغۇچىنىڭ ئىسمىنى ئاشكارىلىمىدى. ئەمما كىتابچىلار مۇسادىرە قىلىنغان كىتابلارنىڭ ئىسلام جامائىتىنىڭ قۇرغۇچىسى ئەبۇل ئەلا مەۋدۇدىغا ئائىت ئىكەنلىكىنى بىلدۈردى.
شامىم ئەھمەد توقار مۇسادىرە قىلىنغان كىتابلارنىڭ «ئېسىل ئەخلاقىي قىممەت-قاراشلار ۋە مەسئۇلىيەتچان پۇقرا بولۇشنى تەرغىب قىلىدىغانلىقىنى» قەيت قىلدى.
كەشمىرنىڭ باش ئىمامى ئۆمەر فارۇق، «ئىسلام دىنى ئەسەرلىرىگە قارىتا بېسىم ئىشلىتىش ۋە بۇ ئەسەرلەرنى كىتاب دۇكانلىرىدىن يىغىۋېلىش بىمەنىلىك» دېدى ۋە بۇ ھەرىكەتنى ئەيىبلىدى. ئۇ يەنە، بۇ كىتابلارنىڭ ئىنتېرنېتتىنمۇ تېپىلىدىغانلىقىنى سۆزلىرىگە ئىلاۋە قىلدى.
مۇتەخەسسىسلەر ۋە رايوندا ياشايدىغان نۇرغۇن كەشمىرلىكلەر، مودى ھۆكۈمىتىنىڭ 2019-يىلى كەشمىرنىڭ ئاپتونومىيەلىك ھوقۇقىنى بىكار قىلىشىدىن كېيىن پۇقرالار ئەركىنلىكىنىڭ چەكلەنگەنلىكىنى بىلدۈرمەكتە.
