قارارنىڭ ئامېرىكانىڭ باشقۇرۇلىدىغان بومبا زاپاسلىرىنىڭ ئازىيىشى، رايون خاراكتېرلىك جىددىيچىلىك ۋە پارىس قولتۇقى ئىتتىپاقداشلىرىغا قارىتىلغان تەھدىتلەرگە ئائىت ئەندىشىلەردىن كېيىن ئېلىنغانلىقى بىلدۈرۈلدى.
ئامېرىكا پىرېزىدېنتى دونالد ترامپ، ئامېرىكا ھاۋا مۇداپىئە سىستېمىسى باشقۇرۇلىدىغان بومبا زاپاسلىرىنىڭ ئازايغانلىقىغا ئائىت ئەندىشىلەر سەۋەبىدىن ئىرانغا قارىتىلغان ھەربىي ھەرىكەتلەرنى كەڭ كۆلەمدە ئاشۇرۇش پىلانلىرىنى ۋاقىتلىق توختاتتى.
«The New York Times» گېزىتىنىڭ خەۋىرىگە ئاساسلانغاندا قارار، ترامپنىڭ جۈمە كۈنى يۇقىرى دەرىجىلىك مەسلىھەتچىلىرى ۋە كابىنېت ئەزالىرى بىلەن ئۆتكۈزگەن يىغىنىدىن كېيىن ئېلىنغان.
ھەربىي مەسئۇللارنىڭ كەڭ كۆلەملىك توقۇنۇشلارنىڭ قايتىدىن باشلىنىشىنىڭ ئوتتۇرا شەرقتىكى ئامېرىكا ئەسكەرلىرى بىلەن بازىلىرىنى قوغداش ئۈچۈن ئېھتىياجلىق بولغان «Patriot» توسۇپ زەربە بەرگۈچى باشقۇرۇلىدىغان بومبىلىرى ۋە باشقا ھاۋا مۇداپىئە سىستېمى ئوق-دورىلىرىنى خەتەرلىك دەرىجىدە ئازايتىۋېتىشى مۇمكىنلىكى توغرىسىدا ئاگاھلاندۇرۇش بەرگەنلىكى بىلدۈرۈلدى. ئامېرىكانىڭ ئىران بىلەن داۋاملاشتۇرۇۋاتقان توقۇنۇشلاردا ھاۋا مۇداپىئە سىستېمىسى باشقۇرۇلىدىغان بومبا زاپاسلىرىنىڭ زور بىر قىسمىنى ئىشلىتىپ بولغانلىقىغا ئائىت ئەندىشىلەر ئىلگىرىمۇ كۈن تەرتىپكە كەلگەن ئىدى.
خەۋەردە، ترامپ ھۆكۈمىتىنىڭ جىددىيچىلىكنى تېخىمۇ ئۆرلىتىشنىڭ ئىراننىڭ تېخىمۇ ئېغىر ئۆچ ئېلىش ھەرىكەتلىرىگە يول ئېچىدىغانلىقى، پارىس قولتۇقى دۆلەتلىرىنى ئامېرىكادىن يىراقلاشتۇرۇۋېتىدىغانلىقى ھەمدە يەر شارى ئېنېرگىيە ۋە مۇساپىرلار كىرىزىسلىرىنى ئېغىرلاشتۇرۇۋېتىدىغانلىقى دائىر خەۋپلەردىن ئۆزىنى قاچۇرغانلىقى تەكىتلەنىدى.
دىپلوماتىك توسالغۇلار
ئامېرىكا باش ئىشتاب باشلىقى گېنېرال دان كەيننىڭ كەڭ كۆلەملىك ھەربىي ھەرىكەتلەرنى قايتىدىن باشلاشنىڭ مۇمكىنلىكىنى، ئەمما بۇنىڭ ئوتتۇرا شەرقتىكى ھەربىي پائالىيەتلەرنى باشقۇرىدىغان ئامېرىكا مەركىزىي قوماندانلىق ئىشتابىنىڭ توسۇپ زەربە بەرگۈچى باشقۇرۇلىدىغان بومبا زاپاسلىرىنى ئېغىر دەرىجىدە ئازايتىۋېتىدىغانلىقىنى يېپىق سۆھبەتلەردە ئىپادىلىگەنلىكى ئۇقتۇرۇلدى.
ئاق ساراي ئالاقە دىرېكتورى ستىۋېن چۇڭ ترامپنىڭ دىپلوماتىك ھەل قىلىش چارىسىنى ئۆزگەرتىشنى ئارزۇ قىلىدىغانلىقىنى ھەر زامان ئوچۇق-ئاشكارە ئوتتۇرىغا قويۇپ كەلگەنلىكىنى، ئەمما ئىراننىڭ ھورمۇز بوغۇزىدا ياكى ئامېرىكانىڭ ئىتتىپاقداشلىرىغا قارشى «تېررورلۇق پائالىيەتلىرى» نى داۋاملاشتۇرغان تەقدىردە بارلىق تاللاشلارنى ئۈستەل ئۈستىدە تۇتىدىغانلىقىنى ئېيتتى.
چۇڭ: «ئىراننىڭ مۇزاكىرە قىلىنغان بىر كېلىشىم ئۈچۈن خىزمەت قىلىشى ئاقىلانىلىق بولىدۇ. بولمىسا نېمە بولىدىغانلىقىنى ئۆزلىرى بىلىدۇ» دېدى.
