تۈركىيە جۇمھۇرىيىتى جۇمھۇر رەئىسى ئەردوغان بىلەن ئىرانلىق مەنسەپدىشى پەزەشكىيان رايون ۋەزىيىنى مۇزاكىرە قىلدى. قۇربان ھېيت مۇناسىۋىتى بىلەن بىر-بىرىنىڭ ھېيتىنى تەبرىكلىگەن ئىككى رەھبەر، ئىككى دۆلەت مۇناسىۋىتىنى كۈچەيتىشكە ۋەدىلەشتى.
تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر-ئالاقە ئىدارىسى بايانات ئېلان قىلىپ، تۈركىيە جۇمھۇرىيىتى جۇمھۇر رەئىسى رەجەپ تاييىپ ئەردوغان بىلەن ئىران پىرېزىدېنتى مەسئۇد پەزەشكىياننىڭ رايونلۇق ۋە خەلقئارالىق ئۆزگىرىشلەر شۇنداقلا ئىككى دۆلەت مۇناسىۋىتى ھەققىدە تېلېفون سۆھبىتى ئۆتكۈزگەنلىكى بىلدۈردى.
چارشەنبە كۈنى ئۆتكۈزۈلگەن مەزكۇر تېلېفون سۆھبىتىدە، جۇمھۇر رەئىس ئەردوغان تۈركىيەنىڭ كەلگۈسى مەزگىلدە ئىران بىلەن بولغان مۇناسىۋەت رامكىسىنى كۈچەيتىش ئىرادىسىنى تەكىتلىدى.
ئەردوغان يەنە قۇربان ھېيت مۇناسىۋىتى بىلەن پىرېزىدېنت پەزەشكىياننىڭ ھېيتىنى تەبرىكلىدى.
