بايقار شىركىتى مەزكۇر تەربىيەلەش پائالىيىتىگە مۇناسىۋەتلىك ئاممىۋى ئورتاقلىشىش تور بېتى سەھىپىسىدە بايانات ئېلان قىلدى.
باياناتتا مۇنداق دېيىلدى:
«سەئۇدى ئەرەبىستان پادىشاھلىقى دېڭىز ئارمىيەسىدىن 15 ئۇچقۇچى بىلەن 15 مېخانىك ۋە ئېلېكترون تېخنىكى كۇرسانتلىرى چورلۇ ئۇچۇش تەربىيەلەش ۋە سىناق قىلىش مەركىزىدىكى تەربىيەلىنىشنى غەلىبىلىك تاماملاپ ئوقۇش پۈتتۈردى. كۇرسانتلىرىمىزنى تەبرىكلەيمىز.»
بايقار شىركىتى بىلەن سەئۇدى ئەرەبىستان دۆلەت مۇداپىئە مىنىستىرلىقى ئوتتۇرىسىدا 2023-يىلى «ئاقىنجى» ناملىق قوراللىق ئۇچقۇچىسىز ھاۋا ئاپپاراتىنى ئېكسپورت قىلىش ۋە ھەمكارلىق كېلىشىمى ئىمزالانغان ئىدى.
بۇ دائىرىدە «ئاقىنجى» ناملىق قوراللىق ئۇچقۇچىسىز ھاۋا ئاپپاراتلىرى سەئۇدى ئەرەبىستان ئارمىيەسىنىڭ قورال - ياراغ ساپىسىغا قوشۇلىدۇ. بايقار شىركىتى يەنە تەربىيەلەش، تېخنىكىلىق قوللاش ۋە ئەشيا ئوبوروتى مۇلازىمىتى بىلەنمۇ تەمىنلەيدۇ.
