گېئو نىيۇز (Geo News) قانىلىنىڭ خەۋىرىگە قارىغاندا، پاكىستان ئايرودۇرۇملارنى باشقۇرۇش ئىدارىسى ھىندىستانغا قارىتىلغان ھاۋا تەۋەلىكى مەنئىي قىلىش بۇيرۇقىنىڭ مۇددىتىنى ئۇزارتىش قارارىنى چىقارغانلىقىنى ئېلان قىلغان.
بۇنىڭغا ئاساسەن پاكىستان ھاۋا تەۋەلىكى، ھىندىستان تەرىپىدىن ئېلىپ بېرىلىدىغان سودا ۋە ھەربىي بارلىق ئۇچۇشلارغا يېپىق پېتى قالىدۇ.
شۇنداقلا ھىندىستان ھاۋا يوللىرى شىركەتلىرى تەرىپىدىن ئىجارە ئېلىنغان ئايروپىلانلارنىڭمۇ پاكىستان ھاۋا تەۋەلىكىنى ئىشلىتىشىگە رۇخسەت قىلىنمايدۇ.
ھاۋا تەۋەلىكى چەكلىمىسى 24-ئىيۇلغىچە كۈچكە ئىگە بولىدۇ.
ھىندىستاننىڭ كونتروللۇقىدىكى جاممۇ كېشمىرنىڭ پاخالگام رايونىدا قوراللىق كىشىلەرنىڭ 2025-يىلى 22-ئاپرېلدا ساياھەتچىلەرگە ئوق چىقىرىشى نەتىجىسىدە 26 كىشى ھاياتىدىن ئايرىلغان تېررورلۇق ھۇجۇمىدىن كېيىن، ئىككى دۆلەت ئوتتۇرىسىدىكى بارلىق سودا ئالاقىلىرى توختىتىلغان ۋە ھاۋا تەۋەلىكى تاقالغان ئىدى.
