چارشەنبە كۈنى ئېلان قىلىنغان رەسمىي مەلۇماتلارغا قارىغاندا، ئالدىنقى ئاينىڭ ئاخىرلىرىدا نېپال – خىتاي چېغراسىغا قاتتىق تەسىر كۆرسەتكەن ۋەيران قىلغۇچ كەلكۈن ۋە تاغ گۈمۈرۈلۈپ چۈشۈش ئاپەتلىرى سەۋەبىدىن ھاياتىدىن ئايرىلغانلار سانى 1410 غا يەتكەن، 5650 دىن ئارتۇق كىشى ئىز - دېرەكسىز يوقاپ كەتكەن. نېپال دائىرىلىرى كەلكۈن ئاپىتىنىڭ ئېغىر زەربىسىگە ئۇچرىغان رايونلاردىن يەنە 10 كىشىنىڭ جەسىتىنى تاپقان.

نېپال ۋە خىتاينىڭ رەسمىي مەلۇماتلىرىغا قارىغاندا، ئىز-دېرىكسىز يوقاپ كەتكەنلەردىن 848 ئى چەت ئەللىك ئىكەن.

نېپال دۆلەتلىك ئاپەت خەتەرلىرىنى ئازايتىش ۋە باشقۇرۇش ئىدارىسىنىڭ بىلدۈرۈشىچە، نېپالدىكى كەلكۈندە ئاپەتكە ئۇچرىغان ناھىيەلەردىن تەخمىنەن 1367 جەسەت چىقىرىلغان؛ 587 سى چەت ئەللىك بولۇپ يوقاپ كەتكەن 5132 كىشىنىڭ تېخىچە ئىز – دېرىكى يوق ئىكەن.

ئالدىنقى ھەپتە ئاخىرىدا قۇتقۇزۇۋېلىنغان كىشىلەرنى ئۆز ئىچىگە ئالغاندا، ھازىرغىچە قۇتقۇزۇۋېلىنغانلار سانى 13600 دىن ئاشقان.

تىبەتتىكى چوڭ تاغ گۈمۈرۈلۈپ چۈشۈش نەتىجىسىدە 43 كىشى ھاياتىدىن ئايرىلغان؛ 261 ئى چەت ئەللىك بولۇپ  يوقاپ كەتكەن 519 كىشىنىڭ تېخىچە ئىز-دېرىكى يوق ئىكەن.