جۇمھۇر رەئىس ئەردوغان جۇمھۇر رەئىسلىك مەھكىمىسى مەدەنىيەت-سەنئەت چوڭ مۇكاپاتى تارقىتىش مۇراسىمىدا سۆز قىلدى.
ئەردوغان سۆزىدە، تۈركىيە ۋە چەت ئەللەردىكى تەتقىقات خىزمەتلىرى بىلەن مەدەنىيەت-سەنئەت دۇنياسىغا يېڭى ئۇپۇقلارنى ئاچقان بارلىق سەنئەتكارلارغا چىن دىلىدىن قىزغىن سالام يوللايدىغانلىقى ۋە چەكسىز ھۆرمەت بىلدۈرىدىغانلىقىنى ئەسكەرتىپ مۇنداق دېدى:
«كىم بولۇشىدىن قەتئىينەزەر، ئۆز كەسپىدە چىن دىلىدىن خىزمەت ئىشلەپ، مۇۋەپپەقىيەت قازانغان، مىللىتىمىزنىڭ دەردى بىلەن دەردلەنگەن، مىللىتىمىزگە تەكەببۇرلۇق بىلەن يۇقىرىدىن قارىمىغان ھەربىر شەخسكە دۆلەت سۈپىتىدە قولىمىزدىن كېلىشىچە ياردەم بېرىۋاتىمىز، قوللاپ - قۇۋۋەتلەۋاتىمىز.»
ئۇ يەنە، دۆلىتى، مىللىتى ۋە زېمىنىنى چىن دىلىدىن سۆيىدىغانلارنىڭ ھەممىسىنى باش تاجى قىلىشقا ئەھمىيەت بېرىۋاتقانلىقلىرىنىمۇ سۆزلىرىگە ئىلاۋە قىلدى.
