نىگېرىيە مەتبۇئاتىنىڭ خەۋىرىگە قارىغاندا، رىۋېرس (Rivers) ئۆلكىسىنىڭ ئوكرىكا رايونىدا بىر تۈركۈم ياشلار نېفىت ئوغرىلىقچىلىقىغا ئۇرۇنغان پەيتتە زەھەرلىك گاز سىيرىلىپ چىققان. ساقچى تەرەپنىڭ بىلدۈرۈشىچە، نەق مەيداندا 43 كىشى ئۆلگەن. پاجىئە جەريانىدا ھوشىدىن كەتكەن بەزى كىشىلەر دەرياغا چۈشۈپ كېتىپ يوقاپ كەتكەن بولۇپ، تىرىك قالغانلارنىڭ بىر قىسمى دوختۇرخانىغا ئورۇنلاشتۇرۇلغان. نۆۋەتتە ۋەقەگە مۇناسىۋەتلىك تەكشۈرۈشلەر داۋاملاشماقتا.