ئامېرىكا پىرېزىدېنتى دونالد ترامپ تېھراننىڭ كېلىشىم ھاسىل قىلىش مەقسىتىدە ئامېرىكا بىلەن بىۋاسىتە ئالاقە ئورناتقانلىقىنى بىلدۈرۈپ: «ئىران بىلەن بولغان ئۇرۇشنىڭ ئاخىرىغا قاراپ كېتىۋاتقان بولۇشىمىزنى ئۈمىد قىلىمەن» دېدى.
ترامپ بىر پائالىيەتكە قاتنىشىش ئۈچۈن بارغان شىمالىي كارولىنا ئىشتاتىدا ئايروپىلاندىن چۈشكەندىن كېيىن مۇخبىرلارنىڭ سوئاللىرىغا جاۋاب بەردى.
ئۇ ئىران ھۆكۈمىتىنىڭ ئامېرىكا بىلەن «بىۋاسىتە» ئالاقە ئورناتقانلىقىنى ۋە تېھراننىڭ كېلىشىم ھاسىل قىلىشنى خالايدىغانلىقىنى ئېيتتى.
ترامپ ئامېرىكانىڭ ئۇرۇشنىڭ قايسى باسقۇچىدا تۇرۇۋاتقانلىقى ھەققىدىكى سوئالغا: «ئۇرۇشنىڭ ئاخىرىغا قاراپ كېتىۋاتقان بولۇشىمىزنى ئۈمىد قىلىمەن» دەپ جاۋاب بەردى.
ئۇ: «ئىران كېلىشىم ھاسىل قىلىشنى ئىنتايىن خالايدۇ. بۇ مۇساپىنىڭ قانداق نەتىجىلىنىدىغانلىقىنى كۆرۈپ باقايلى» دېدى.
ترامپ ئىراندىن كەلگەن ئۇچۇرنىڭ بىۋاسىتە ياكى ۋاسىتىچىلەر ئارقىلىق يەتكۈزۈلگەنلىكى سورالغاندا، ئۇچۇرنى «بىۋاسىتە تاپشۇرۇۋالغانلىقى»نى بىلدۈردى.
