ئامېرىكا پىرېزىدېنتى ترامپ سىراكۇس شەھىرىدە ئۆز قوللىغۇچىلىرىغا قىلغان سۆزىدە: «پىرېزىدېنتىڭلار بولۇش سۈپىتىم بىلەن مەن ۋاكالەتچىلىك قىلغان ئامېرىكا قوشما ئىشتاتلىرى نوبېل تىنچلىق مۇكاپاتىغا ئېرىشىشى كېرەك ئىدى، ئەمما ئېرىشەلمىدى» دېدى.

ئامېرىكا پىرېزىدېنتى دونالد ترامپ نوبېل تىنچلىق مۇكاپاتىنىڭ ناۋى پىللاي (Navi Pillay) غا بېرىلگەنلىكىگە نارازىلىق بىلدۈرۈپ، بۇنىڭ نورۋېگىيەگە «ئۆچمەس داغ» بولۇپ قالغانلىقىنى ئېيتتى ۋە مۇكاپاتنىڭ ئۆزىگە بېرىلىشى كېرەكلىكىنى ئىلگىرى سۈردى.

مۇناسىۋەتلىك ئۇچۇرلارTRT World - South African judge who ruled Israel committed genocide in Gaza wins Nobel Peace Prize

جەنۇبىي ئافرىقالىق سوتچى ۋە كىشىلىك ھوقۇق پائالىيەتچىسى ناۋى پىللاي، ئۇرۇش جىنايىتى ۋە ئىنسانىيەتكە قارشى جىنايەتلەرگە قارشى ئېلىپ بارغان خىزمەتلىرى ئۈچۈن جۈمە (2026-يىلى 9-ئۆكتەبىر) كۈنى بۇ نوپۇزلۇق مۇكاپاتقا ئېرىشتى.

ترامپ نورۋېگىيە نوبېل كومىتېتىنىڭ بۇ قارارىنى «ئۇياتلىق ۋە نومۇسسىز قارار» دەپ ئاتىدى. ئۇ سىراكۇستىكى يىغىلىشتا ناۋى پىللاينىڭ ئىسىمىنى «ھېچقاچان ئاڭلاپ باقمىغانلىقى» نى ئېيتتى.

ئۇ: «مەن بۇ كىشىنى ھېچقاچان ئاڭلاپ باقمىغان، شۇنداق بولسىمۇ تەبرىكلەيمەن، ئامېرىكا قوشما ئىشتاتلىرىنىڭ پرېزىدېنتى بولۇش سۈپىتىدە، مەن ۋاكالەتچىلىك قىلغان ئامېرىكا بۇ مۇكاپاتنى ئېلىشى كېرەك ئىدى، لېكىن ئالمىدى» دېدى.

ترامپ 2025-يىلى يانۋاردا ئاقسارايغا قايتىپ كەلگەندىن بۇيان، نوبېل تىنچلىق مۇكاپاتىنى ئېلىش ئارزۇسىنى يوشۇرمىدى. ئۇ ئۆزى توختىتىشتا رول ئوينىغان نۇرغۇن توقۇنۇشلارنى تىزىپ چىقىپ، شىمالىي ۋە جەنۇبىي كورېيە، ياپونىيە ۋە شىمالىي كورېيە، شۇنداقلا خىتاي بىلەن تەيۋەن ئوتتۇرىسىدا ئۇرۇش چىقىشىنىڭ ئالدىنى ئېلىشقا ياردەم بەرگەنلىكىنى ئېيتتى.

ترامپ: «نوبېل تىنچلىق مۇكاپاتى دېموكراتىيەگە قارشى، ھەقىقىي مەنىدە مەدەنىيەت دۈشمىنى بولغان بىر تۈركۈم رادىكال ئىدىيەگە ئىگە كىشىلەر تەرىپىدىن ئابرۇيى مەڭگۈلۈك تۆكۈلدى. بىز بۇنى ئۇنتۇمايمىز نورۋېگىيە!» دېدى.