پاكىستان باش مىنىستىرلىق مەھكىمىسىنىڭ ئاممىۋى ئورتاقلىشىش تور بېتى X سەھىپىسىدە ئېلان قىلىنغان باياناتىدا: «پاكىستان باش مىنىستىرى شېرىف، ئىسلامئاباد كېلىشىم لايىھەسىگە مۇرەسسەچى سۈپىتىدە ئىمزا قويدى» دېيىلدى.
باياناتتا يەنە شېرىفنىڭ كېلىشىمگە ئىمزا قويۇۋاتقان پەيتتىكى كۆرۈنۈشلىرىگىمۇ ئورۇن بېرىلدى.
ئىران پىرېزىدېنتى مەسئۇد پەزەشكىيان بىلەن ئامېرىكا پىرېزىدېنتى دونالد ترامپمۇ كېلىشىم لايىھەلىرىنى فىزىكىلىق ۋە رەقەملىك شەكىلدە ئىمزالىغان ئىدى.
ئىران بىلەن ئامېرىكا ئوتتۇرىسىدا ھاسىل قىلىنغان كېلىشىم
ئىران بىلەن ئامېرىكا، پاكىستاننىڭ مۇرەسسەچىلىكىدە ئۆتكۈزۈلگەن سۆھبەت مۇساپىسى دائىرىسىدە، 14-ئىيۇن كۈنى ئۇرۇش توختىتىش ۋە تەرەپلەر ئوتتۇرىسىدىكى مەسىلىلەرنى سۆھبەت ئارقىلىق ھەل قىلىشنى مەقسەت قىلغان 14 ماددىلىق كېلىشىم ھاسىل قىلغانلىقىنى جاكارلىغان ئىدى.
«ئىسلامئاباد كېلىشىمى» دەپ ئاتالغان كېلىشىم لايىھەسى، 18-ئىيۇن كۈنى ئىران پىرېزىدېنتى مەسئۇد پەزەشكىيان ۋە ئامېرىكا پىرېزىدېنتى دونالد ترامپ تەرىپىدىن رەقەملىك تاراتقۇلاردا ئىمزىلىنىپ يولغا قويۇلغان ئىدى.
كېلىشىم لىۋاننىمۇ ئۆز ئىچىگە ئالغان ئاساستا ئۇرۇشنى ئاخىرلاشتۇرۇش، ھورمۇز بوغۇزىنى ئېچىش، ئامېرىكانىڭ ئىرانغا قارىتىلغان دېڭىز قامالىنى بىكار قىلىش قاتارلىق ماددىلارنى ئۆز ئىچىگە ئالىدۇ.
كېلىشىم لايىھەسى ئىمزالانغاندىن كېيىن، تەرەپلەرنىڭ ھەل قىلغۇچ كېلىشىم ھاسىل قىلىش ئۈچۈن ئىراننىڭ يادرو پىروگراممىسى ۋە ئېمبارگولارنى بىكار قىلىش قاتارلىق مەسىلىلەردە قىسقا ۋاقىت ئىچىدە 60 كۈنلۈك سۆھبەت مۇساپىسىنى باشلىشى كۈتۈلمەكتە.
