بۇ قېتىملىق باسقۇن قىلىش ھەرىكەتلىرى سۈرىيە پىرېزىدېنتى ئەھمەد شارانىڭ ئىسرائىلىيە بىلەن بولغان سۆھبەتلەرنىڭ توسالغۇغا ئۇچرىمىغانلىقى، ئەمما ئىسرائىلىيەنىڭ سۈرىيە زېمىنلىرىنى ھەربىي ھەرىكەتلەر ئارقىلىق بېسىۋېلىشىنى داۋاملاشتۇرۇشتا چىڭ تۇرۇۋېلىشى سەۋەبلىك قىيىنچىلىقلارغا دۇچ كېلىۋاتقانلىقى ھەققىدىكى ئىلگىرىكى باياناتلىرىغا قارىماي يۈز بەردى.
ئەلئىخبارىييە تېلېۋىزىيە قانىلىنىڭ خەۋىرىگە قارىغاندا، ئىسرائىلىيە ئارمىيەسى پەيشەنبە كۈنى ئەتىگەندە سۈرىيەنىڭ شەرقىي جەنۇبىدىكى قۇنەيترا يېزىلىرىنىڭ بەزى رايونلىرىنى بومباردىمان قىلغان بولۇپ، بۇمۇ بۇ دۆلەتنىڭ ئىگىلىك ھوقۇقىنىڭ دەپسەندە قىلىنىشى ھېسابلىنىدىكەن.
ئىسرائىلىيە ئارمىيەسى شىمالىي قۇنەيترا يېزىلىرى ئەتراپىدىكى ئەلھۆررىيە يېزىسى بىلەن جەباتەل خەشەب يېزىسى ئوتتۇرىسىغا ئۈچ مىناميوت ئوقى ئاتقان. شۇنداقلا قۇنەيترانىڭ جەنۇبىي يېزىلىرى ئەتراپىدىكى سائىدەل گولان يېزىسىغىمۇ بېسىپ كىرىپ، ئۆي تەكشۈرۈش ۋە ئاختۇرۇش ھەرىكەتلىرىنى ئېلىپ بارغان ھەمدە بىر ياشنى قولغا ئالغان. بۇنىڭدىن باشقا يەنە، يېرىم كېچىدە رايونغا باسقۇن قىلىش جەرياندا كودنا يېزىسىنىڭ شىمالىدا يەنە بىر ياشنى قولغا ئالغان.
ئىسرائىلىيەنىڭ ئاخىرقى دەپسەندىچىلىكلىرى، سۈرىيە پىرېزىدېنتى ئەھمەد شارانىڭ ئىلگىرى ئىسرائىلىيە بىلەن بولغان سۆھبەتلەرنىڭ توسالغۇغا ئۇچرىمىغانلىقى، ئەمما ئىسرائىلىيەنىڭ سۈرىيە زېمىنلىرىدىكى ھەربىي بېسىۋېلىشىنى داۋاملاشتۇرۇشتا چىڭ تۇرۇۋېلىشى سەۋەبلىك قىيىنچىلىقلارغا دۇچ كېلىۋاتقانلىقى ھەققىدىكى باياناتلىرىغا قارىماي يۈز بەردى.
2024-يىلى دېكابىردا بەششار ئەسەد ھاكىمىيىتى ئاغدۇرۇلغاندىن كېيىن، ئىسرائىلىيە 1974-يىللىق «قوشۇنلارنى ئايرىۋېتىش كېلىشىمى» نى ئىناۋەتسىز دەپ ئېلان قىلىپ، چېگرا بويىدىكى بۇففېر رايونىنى بېسىۋېلىشقا باشلىغان ئىدى.
يېڭى سۈرىيە رەھبەرلىكى ئىسرائىلىيەگە قارىتا ھېچقانداق تەھدىت سېلىپ باقمىغان بولسىمۇ، لېكىن ئەسەد ئاغدۇرۇلغاندىن كېيىن ئىسرائىلىيە ئارمىيەسى سۈرىيەدە ھاۋا ھۇجۇملىرىنى ئېلىپ بېرىپ، پۇقرالارنىڭ ئۆلۈمىگە سەۋەب بولدى ھەمدە ھەربىي ئەسلىھەلەر، جابدۇقلار ۋە ئوق-دورىلارنى نىشان قىلدى.
