ئامېرىكا پېرىزىدېنتى دونالد ترامپ، ئەنگلىيە باش ۋەزىرى كەير ستارمېرنىڭ كۆچمەنلەر ۋە ئېنېرگىيە سىياسەتلىرىدىكى مەغلۇبىيەتلىرىنى سەۋەب كۆرسىتىپ ۋەزىپىسىدىن ئىستېپا بېرىدىغانلىقىنى ئېيتتى. بۇ بايانات، ئەنگلىيە رەھبىرىنىڭ دۈشەنبە كۈنى ئىستېپا بېرىش ئۈچۈن بىر ۋاقىت جەدۋىلى بېكىتىشى مۇمكىنلىكى يۆنىلىشىدىكى كەڭ تارقالغان پەرەزلەرنىڭ نەق ئوتتۇرىسىغا توغرا كەلدى.
ترامپ «Truth Social» سۇپىسىدا ئېلان قىلغان ئۇچۇرىدا: «كەير ستارمېر، ئەنگىلىيە باش ۋەزىرى سۈپىتىدە ۋەزىپىسىدىن ئىستېپا بېرىدۇ. ئۇ ئىنتايىن مۇھىم بولغان ئىككى مەسىلىدە، كۆچمەنلەر ۋە ئېنېرگىيە (يەنى شىمالىي دېڭىز نېفىتىنى ئېچىش) مەسىلىسدە ئېغىر مەغلۇبىيەتكە ئۇچرىدى. مەن ئۇنىڭغا ياخشى تىلەكلەرنى تىلەيمەن!» دېدى.
BBC يەكشەنبە كۈنى ئەتىگەندە ھۆكۈمەت ئىچىدىكى نۇرغۇن مەنبەلەرگە تايىنىپ بەرگەن خەۋىرىدە، ھۆكۈمەت ئىچىدىكى كەيپىياتنىڭ ئۆزگىرىشى بىلەن بىرگە ستارمېرنىڭ دۈشەنبە كۈنى ئىستېپا ئۈچۈن بىر ۋاقىت جەدۋىلى بېكىتىشى مۇمكىنلىكىنى يەتكۈزگەن ئىدى.
ئاقسارايدىن ئىچكى سىياسەت مەسىلىسىدە تەنقىد
ترامپ ئىجتىمائىي تاراتقۇ ئۇچۇرىدا ئەنگلىيەنىڭ ئوتتۇرا سولچىل جۇمھۇرىيەتچى ئىشچىلار پارتىيەسىنىڭ لىدېرى ستارمېرنى ئەيىبلەپ، ئۇنىڭ ئۈنۈمسىز سىياسەتلىرىنىڭ ئۆز سىياسىي ۋەيرانچىلىقىنىڭ ئارقىسىدىكى بىردىنبىر سەۋەب بولىدىغانلىقىنى ئېيتتى.
ترامپ ئەنگلىيە ھۆكۈمىتىنى شىمالىي دېڭىزدا يېڭى نېفىت ۋە تەبىئىي گاز ئىزدەشنى توڭلىتىش قارارىدىن يېنىشقا چاقىردى ھەمدە ئەنگلىيەنىڭ شامال ئېنېرگىيە پونكىتلىرىنى قاتتىق تەنقىد قىلدى.
ئامېرىكا پېرىزىدېنتىنغا يېقىنلىقى سەۋەبىدىن «ترامپقا پىچىرلىغۇچى ئادەم» دەپ تىلغا ئېلىنغان ستارمېر، يېقىنقى ۋاقىتلاردا ئىراندا يۈز بېرىۋاتقان ئۇرۇش بىلەن باغلىنىشلىق ھالدا ئامېرىكىلىق سەپدىشى تەرىپىدىن قويۇق تەنقىدلەرگە دۇچ كەلدى.
