ئىسرائىلىيە ئارمىيەسى ئۇرۇش توختىتىش كېلىشىمىگە قارىماي، غەززە رايونىغا قىلغان ھۇجۇملىرىنى داۋاملاشتۇرماقتا.
غەززەدىكى سەھىيە مىنىستىرلىقى تەرىپىدىن ئېلان قىلىنغان يازما باياناتتا، ئىسرائىلىيەنىڭ 2023-يىلى ئۆكتەبىردىن بۇيان داۋاملاشتۇرۇۋاتقان ھۇجۇملىرىدا ھاياتىدىن ئايرىلغانلارغا ئائىت ئەڭ يېڭى مەلۇماتلار ئېلان قىلىندى.
بۇ مەلۇماتلاردا يېقىنقى 24 سائەت ئىچىدە غەززەدىكى دوختۇرخانىلارغا 3 جەسەت ۋە 35 يارىدارنىڭ ئېلىپ كېلىنگەنلىكى قەيت قىلىندى.
غەززەدە ئۇرۇش توختىتىش يولغا قويۇلغان 2025-يىلى 10-ئۆكتەبىردىن بۇيان، ئىسرائىلىيەنىڭ ھۇجۇملىرىدا 936 كىشىنىڭ ئۆلتۈرۈلگەنلىكى، 2 مىڭ 903 كىشىنىڭ يارىلانغانلىقى، خارابىلىكلەر ئاستىدىن بولسا 781 كىشىنىڭ جەسىتىنىڭ چىقىرىلغانلىقى بىلدۈرۈلدى.
ئىسرائىلىيەنىڭ 2023-يىلى ئۆكتەبىردىن بۇيان غەززە رايونىغا قىلغان ھۇجۇملىرىدا جەمئىي ھاياتىدىن ئايرىلغانلار سانىنىڭ 72 مىڭ 945 كە، يارىلانغانلار سانىنىڭ بولسا 173 مىڭ 11 گە يەتكەنلىكى خەۋەر قىلىندى.
غەززە رايونىدا خارابىلىكلەر ئاستىدا يەنىلا مىڭلىغان جەسەتنىڭ بارلىقى ئىلگىرى سۈرۈلمەكتە.
