تۈركىيەنىڭ يەر ياڭىقى ئېكسپورتىدا ناھايىتى زور مۇۋەپپەقىيەتلەر قولغا كەلتۈرۈلدى
تۈركىيە بۇ يىلنىڭ دەسلەپكى 11 ئېيىدا يەر ياڭىقى ئېكسپورتىدىن 2 مىليارد 300 مىليون دوللاردىن ئارتۇق كىرىم قىلدى.
قارادېڭىز يەر ياڭىقى ۋە مەھسۇلاتلىرى ئېكسپورتچىلىرى بىرلىكى تۈركىيەنىڭ بۇ يىلنىڭ دەسلەپكى 11 ئېيىغا مۇناسىۋەتلىك يەر ياڭىقى ئېكسپورتى ھەققىدە دوكلات ئېلان قىلدى.
بۇ دوكلاتقا ئاساسلانغاندا، 2024-يىلى 1-يانۋاردىن 30-نويابىرغىچە بولغان مەزگىلدە 289 مىڭ 39 توننا يەر ياڭىقى ئېكسپورت قىلىنغان، بۇنىڭدىن 2 مىليارد 349 مىليون 239 مىڭ 446 دوللار كىرىم قىلىنغان.
ئالدىنقى يىلنىڭ ئوخشاش مەزگىلىدە 251 مىڭ 163 توننا يەر ياڭىقى ئېكسپورت قىلىنغان، بۇنىڭدىن 1 مىليارد 621 مىليون 988 مىڭ 536 دوللار كىرىم قىلىنغانىدى.
تۈركىيەنىڭ 2024-يىلىدىكى يەر ياڭىقى ئېكسپورتى ئالدىنقى يىلغا سېلىشتۇرغاندا 37 مىڭ 876 توننا، بۇنىڭدىن قولغا كەلتۈرگەن كىرىمى 721 مىليون 250 مىڭ 910 دوللار ئاشقان.