يەكشەنبە كۈنى ئىسرائىلىيە كۈچلىرىنىڭ غەززە شەھىرىنىڭ شەرقىدىكى شۇجائىييە مەھەللىسىگە ھۇجۇم قىلىشى نەتىجىسىدە ئۈچ پەلەستىنلىكنىڭ ئۆلگەنلىكى خەۋەر قىلىندى؛ يەرلىك خەلق بۇنى داۋاملىشىۋاتقان ئوق چىقىرىشنى توختىتىش كېلىشىمىگە خىلاپلىق قىلىش دەپ قارىماقتا.
سەھىيە مەنبەلىرى پەلەستىن خەۋەر ئاگېنتلىقى «ۋافا»غا، نوپۇس زىچ جايلاشقان رايوندىكى پۇقرالار توپلانغان بىر جايغا ئۇچقۇچىسىز ئايروپىلان بومبا تاشلىدى، نەتىجىدە بىر كىشىنىڭ ئۆلگەنلىكىنى بىلدۈردى.
مەنبەلەر، ئەلمەنسۇرا كوچىسىدىكى ئەلشاۋا ماي قاچىلاش پونكىتىغا يېقىن بىر جاينىڭ ئىسرائىلىيە ئايروپىلانى تەرىپىدىن نىشانغا ئېلىنىشى نەتىجىسىدە باشقا ئىككى كىشىنىڭ ھاياتىدىن ئايرىلغانلىقىنى سۆزىگە ئىلاۋە قىلدى.
شاھىتلار، يېڭى پەيدا بولغان ئورەكلەر ۋە تۈتۈن بۇلۇتلىرى بىلەن تولغان كوچىلاردىن قاچقان ئاھالىلەرنىڭ ۋەھىمىگە چۈشكەن كۆرۈنۈشلىرىنى سۆزلەپ بەردى.
سەھىيە ئەمەلدارلىرى، ئوق چىقىرىشنى توختىتىش كېلىشىمى 11-ئۆكتەبىردە يولغا قويۇلغاندىن بۇيان، ئاز دېگەندە 404 پەلەستىنلىكنىڭ ئىسرائىلىيە تەرىپىدىن ئۆلتۈرۈلگەنلىكىنى ۋە 1108 كىشىنىڭ يارىلاندۇرۇلغانلىقىنى ئېيتماقتا.
پەلەستىنلىكلەر، 2023-يىلى ئۆكتەبىردىن بۇيان كۆپىنچىسى ئاياللار ۋە بالىلار بولۇپ جەمئىي 70 مىڭ 700 گە يېقىن كىشى ئۆلگەن ۋە 171 مىڭدىن ئارتۇق كىشى يارىلاندۇرۇلغانلىقى بىلدۈردى ھەم ئىككى يىللىق ئىسرائىلىيەنىڭ ئىرقىي قىرغىنچىلىق خاراكتېرلىك ئۇرۇشىنى توختىتىش كېلىشىمىنىڭ ئىسرائىلىيە تەرىپىدىن قايتا-قايتا بۇزۇلغانلىقىنى ئىلگىرى سۈرمەكتە.
