جەنۇبىي كورېيە ئارمىيەسىنىڭ بىلدۈرۈشىچە، شىمالىي كورېيە ئاز دېگەندە بىر باشقۇرۇلىدىغان بومبىنى شەرقىي دېڭىزغا قارىتىپ قويۇپ بەرگەن.ياپونىيە پىيوڭياڭ ئاتقان ئەڭ يېڭى باشقۇرۇلىدىغان بومبىنىڭ دۆلەتنىڭ ئالاھىدە ئىقتىسادىي رايونىنىڭ سىرتىغا چۈشكەنلىكىنى بىلدۈردى.جەنۇبىي كورېيە ئارمىيە باش ئىشتابى جۈمە (7-نويابىر) كۈنى ئېلان قىلغان باياناتتا، شىمالىي كورېيە قويۇپ بەرگەن باشقۇرۇلىدىغان بومبا توغرىسىدا باشقا تەپسىلاتلارنى ئاشكارىلىمىدى. باشقۇرۇلىدىغان بومبىنىڭ تۈرى ۋە قانچىلىك يىراقلىققا ئۇچقانلىقى ئېنىق ئەمەس.بۇ جەرياندا، ياپونىيە باش ۋەزىرى سانائې تاكائىچى شىمالىي كورېيەنىڭ ئەڭ يېڭى باشقۇرۇلىدىغان بومبىسىنىڭ ياپونىيەنىڭ ئالاھىدە ئىقتىسادىي رايونىنىڭ سىرتىغا چۈشكەنلىكىنى ئېيتتى.ئۇ يەنە، دائىرىلەرنىڭ باشقۇرۇلىدىغان بومبىنىڭ ئېتىلىشىغا مۇناسىۋەتلىك ھەر قانداق زىيان كۆرۈلگەنلىكىنىڭ دەلىللەنمىگەنلىكىنى سۆزلىرىگە ئىلاۋە قىلدى.يونخاپ ئاگېنتلىقى خەۋىرىدە كۆرسىتىلىشىچە، ئەڭ يېڭى جىددىيچىلىكلەر جەنۇبىي كورېيە ئىستىخبارات ئىدارىسى چارشەنبە (5-نويابىر) كۈنى شىمالىي كورېيەنىڭ يەتتىنچى يادرو سىنىقىغا تەييارلىق قىلغانلىقىنى ۋە كىم جۇڭئۇن قارار چىقارسا دەرھال ئەمەلگە ئاشۇرالايدىغانلىقىنى ئاشكارىلىغاندىن كېيىن يۈز بەرگەن.جەنۇبىي كورېيە پارلامېنتى ئىستىخبارات كومىتېتىنىڭ يېپىق يىغىنىدا، دۆلەت مۇداپىئە مىنىستىرلىقى ئىستىخبارات ئورگىنىنىڭ ئەمەلدارلىرى قانۇن چىقارغۇچىلارغا بۇ ھەقتە چۈشەنچە بەرگەن ۋە ئۆزلىرىنىڭ پىكىرلىرىنى ئورتاقلاشقان.ھاكىمىيەت بېشىدىكى دېموكراتىك پارتىيەنىڭ پارلامېنت ئەزاسى پاك سۈنۋون ۋە ئۆكتىچى خەلق كۈچى پارتىيەسىنىڭ ئەزاسى لى سېيوڭ ۋېن يىغىندىن كېيىن مۇخبىرلارغا: «ئەگەر كىم جوڭئۇن پۇڭگىيې رىدىكى 3-نومۇرلۇق تونېلنى ئىشلىتىپ يادرو سىنىقى ئېلىپ بېرىشنى قارار قىلسا، ئۇنى قىسقا ۋاقىت ئىچىدە ئەمەلگە ئاشۇرۇلايدۇ» دېدى.شىمالىي كورېيە ئالدىنقى ئايدىمۇ بىر قانچە قىسقا مۇساپىلىق باشقۇرۇلىدىغان بومبا قويۇپ بەرگەن ئىدى.
