ئامېرىكا قوشما ئىشتاتلىرى ئاۋام پالاتاسى دۆلەت مۇداپىئە مىنىستىرلىقى (پېنتاگون) نىڭ سىياسەتلىرىنى بەلگىلەيدىغان، ئومۇمىي قىممىتى 900 مىليارد دوللارلىق «دۆلەت مۇداپىئە سالاھىيەتلەندۈرۈش قانۇنى» (NDAA) نى قوبۇل قىلدى.

مەزكۇر قانۇن لايىھەسى ئامېرىكا ئاۋام پالاتاسىدا 112 گە قارشى 312 ئاۋاز بىلەن ماقۇللىنىپ، كېڭەش پالاتاسىنىڭ تەستىقىغا سۇنۇلدى.

جەمئىي 3086 بەتتىن تەركىب تاپقان بۇ لايىھەنىڭ مۇھىم ماددىلىرى ئارىسىدا، «ئۇكرائىنا بىخەتەرلىك ياردەم تەشەببۇسى» دائىرىسىدە ئۇكرائىناغا 400 مىليون دوللار ئاجرىتىش ۋە بەششار ئەسەد رەھبەرلىكىدىكى سۈرىيە ھاكىمىيىتىگە يۈرگۈزۈلۈۋاتقان «سېزار» ئىمبارگولىرىنى ئەمەلدىن قالدۇرۇش قاتارلىقلار بار.

بۇنىڭدىن باشقا، لايىھەدە «تۆمۈر گۈمبەز» (Demir Kubbe) سىستېمىسىغا ئوخشاش ئورتاق باشقۇرۇلىدىغان بومبا مۇداپىئە ھەمكارلىقلىرى دائىرىسىدە ئىسرائىلىيەگە 600 مىليون دوللارلىق فوند ياردىمى بېرىشمۇ ئورۇن ئالدى.