سۆھبەتتە ئىككى دۆلەت ئوتتۇرىسىدىكى بىخەتەرلىك، تېررورلۇققا قارشى كۈرەش ۋە ئاخبارات ئالماشتۇرۇشقا ئوخشاش مەسىلىلەردە ھەمكارلىقنى ئاشۇرۇش ئۈچۈن پىكىر بىرلىكى ھاسىل قىلىندى.
پاكىستاننىڭ رەسمىي خەۋەر ئاگېنتلىقى Associated Press of Pakistan غانىڭ خەۋەر قىلىشىچە، نەقۋى پاكىستاندا زىيارەتتە بولۇۋاتقان مەنسەپدىشى سەيفۇددىن بىلەن پايتەخت ئىسلامابئادتا كۆرۈشكەن.
مىنىستىرلار، ئىككى تەرەپ مۇناسىۋەتلىرىنى ۋە ئىچكى بىخەتەرلىك مەسىلىسىدە ھەمكارلىقنى ئاشۇرۇش مەسىلىلىرىنى مۇزىكىرىلەشكەن.
تېررورلۇققا قارشى كۈرەش ۋە زەھەرلىك چېكىملىك ئەتكەسچىلىكى مەسىلىسىدە ئاخبارات ئالماشتۇرۇشنىڭ، بىخەتەرلىك مەسىلىلىرى بىلەن كۈرەش قىلىشتا مۇھىم رول ئوينايدىغانلىقىنى ئىپادىلىگەن مىنىستىرلار، ئىككى دۆلەتنىڭ ساقچى ئاكادېمىيەلىرى ئوتتۇرىسىدىكى ھەمكارلىقنى چوڭقۇرلاشتۇرۇش مەسىلىسىدە پىكىر بىرلىكى ھاسىل قىلغان.
نەقۋى ۋە سەيفۇددىن مىنىستىرلىقلار ئوتتۇرىسىدا ئورتاق خىزمەت گۇرۇپپىسى قۇرۇلۇشى ۋە ساھىل ئامانلىقىغا ئوخشاش بىخەتەرلىك ساھەلىرىدە ھەمكارلىق ئورنىتىش مەسىلىلىرىدە كېلىشتى.
