بىرازىلىيەنىڭ ساۋ پاۋلو شەھىرىدىكى بىر كۇتۇپخانىدا يۈز بەرگەن بۇلاڭچىلىقتا، ئارىسىدا داڭلىق فىرانسۇز سەنئەتچى خېنرى ماتىسسېنىڭ سەككىز گراۋيۇرىمۇ بولغان جەمئىي 13 سەنئەت ئەسىرى ئوغىرلاندى.
ساۋ پاۋلو ئىشتات ھۆكۈمىتى ABC News قانىلىغا بەرگەن باياناتىدا، ئىككى قوراللىق ئەرنىڭ يەكشەنبە كۈنى مارىيو دە ئاندرادە كۇتۇپخانىسىغا كىرىپ ئەسەرلەرنى ئوغىرلىغانلىقىنى دەلىللىدى.
بىرازىلىيە ھەربىي ساقچىسى مۇخبىرلارغا بەرگەن باياناتىدا، بۇلاڭچىلارنىڭ بىرىنىڭ ۋەقە جەريانىدا بىر بىخەتەرلىك خادىمى ۋە بىرنەچچە زىيارەتچىنى گۆرۈگە ئالغانلىقىنى ئېيتتى.
ۋالىيلىق مەھكىمىسى، گۇماندارلارنىڭ تېخىچە قېچىپ يۈرگەنلىكىنى ۋە ئەڭ ئاخىرقى قېتىم ئانھاڭابائۇ مېترو بېكىتى تەرىپىگە قاراپ قاچقاندا كۆرۈلگەنلىكىنى ئېلان قىلدى.
ساقچىلار ۋەقە يۈز بەرگەن جايدا بىر تەكشۈرۈش گۇرۇپپىسىنىڭ بارلىقىنى ۋە بىخەتەرلىك كامېرا كۆرۈنۈشلىرىنى تەكشۈرىۋاتقانلىقىنى بىلدۈردى.
ئوغىرلاندىغان ئەسەرلەرنىڭ قىممىتى تېخى مەلۇم ئەمەس.
