ئوخشىمايدىغان ئېتىقاد گۇرۇپپىلىرىدىن تەشكىل تاپقان بىر ئىتتىپاق، ئىسرائىلىيەنىڭ غەززەدە ئۆلتۈرگەن 20 مىڭدىن ئارتۇق پەلەستىنلىك بالىسىنىڭ قولدا يېزىلغان ئىسىملىرى چۈشۈرۈلگەن 100 مېتىرلىق سىمۋوللۇق كېپەننى نيۇ-يوركتىكى ب د ت چېركاۋ مەركىزىدە كۆرگەزمە قىلدى.
ئۇيۇشتۇرغۇچىلار، «بىر سان ئەمەس، بەلكى بىر ئىسىم» دېگەن شۇئارنى تەكىتلەپ، مەزكۇر قۇرۇلۇشنىڭ مەقسىتىنىڭ قورشاۋ ئاستىدىكى رايوندا ئۆلتۈرۈلگەن ھەر بىر بالىنىڭ كىشىلىك كىملىكىنى قايتىدىن گەۋدىلەندۈرۈش، شۇنىڭ بىلەن بىر ۋاقىتتا ئىسرائىلىيەنىڭ قىرغىنچىلىقىنى دەرھال توختىتىشىنى ۋە ئىلگىرى سۈرۈلگەن ئۇرۇش جىنايەتلىرى ئۈچۈن قانۇنىي جەھەتتىن جاۋابكارلىققا تارتىلىشىنى تەلەپ قىلىش ئىكەنلىكىنى بىلدۈردى.
«غەززە بالىلىرىنىڭ كېپىنى» ناملىق پائالىيەتنى، «قىرغىنچىلىققا قارشى دوختۇرلار»، «ئامېرىكا قىرغىنچىلىققا قارشى پوپلار»، «ھەممە ئۈچۈن ئادالەت» ۋە بۇلار بىلەن چېتىشلىق بولغان ئاممىۋى تەشكىلات شېرىكلىرى بىرلىكتە ئۇيۇشتۇردى.
ئېتىقادلار ئارا ئۇچرىشىش
ب د ت چېركاۋ مەركىزىدىكى خاتىرىلەش مۇراسىمىدا قۇرئان كەرىم تىلاۋەت قىلىندى ۋە بىرلەشكەن دۆلەتلەر تەشكىلاتى ئومۇمىي كېڭىشىنىڭ يۇقىرى دەرىجىلىك ئېچىلىش يىغىنلىرىغا ئۇدۇللاشتۇرۇپ پىلانلانغان ھەمدە ئوخشىمايدىغان ئېتىقاد ۋەكىللىرى قاتناشقان بىر مۇراسىم ئۆتكۈزۈلدى.
بۇ پائالىيەت، رىمدا «قىرغىنچىلىققا قارشى پوپلار» گۇرۇپپىسى تەرىپىدىن تەييارلانغان ئىتالىيەگە ئائىت بىر ئورگاندىن ئېلىنغان ئىلھام بىلەن ئىشقا ئاشۇرۇلدى.
بۇ لايىھە پۈتۈن غەززە مىقياسىدا ئېلىپ بېرىلغان بىر ئەمەلىيەتنى ئاساس قىلىپ قوزغىتىلغان ئىدى. بۇنىڭغا ئاساسلانغاندا، ئاتا-ئانىلار بومباردىمان جەريانىدا ئۆيلىرىنىڭ زەربىگە ئۇچراش ئېھتىماللىقىنى كۆزدە تۇتۇپ، بالىلىرىنىڭ كىملىكىنىڭ توغرا بېكىتىلىشى ئۈچۈن بالىلىرىنىڭ ئىسىملىرىنى بىۋاسىتە ئۇلارنىڭ تېرىسىگە يېزىپ قوياتتى.
1 - سېنتەبىردە فىلادېلفىيە شەھەرلىك ھۆكۈمەت بىناسىدا خەلققە ئېچىۋېتىلگەن بۇ كۆچمە كۆرگەزمىنىڭ، بىر يىل داۋاملىشىدىغان خەلقئارالىق ئويغىتىش ھەرىكىتى دائىرىسىدە ئۆكتەبىر ئېيىدا ۋاشىنگتونغا بېرىشى ۋە ھەر ئايدا يېڭى بىر شەھەرنى زىيارەت قىلىشى پىلانلانماقتا.
بىرلەشكەن دۆلەتلەر تەشكىلاتىنىڭ باھالىشىغا ئاساسلانغاندا، ئىسرائىلىيەنىڭ قىرغىنچىلىق خاراكتېرلىك ئۇرۇشى 2023-يىلى ئۆكتەبىردىن بۇيان غەززە مىقياسىدا 20 مىڭدىن ئارتۇق بالىنىڭ ئۆلۈمىگە ۋە 44 مىڭ بالىنىڭ يارىلىنىشىغا سەۋەب بولغان.
