ئىران پايتەختى تېھراندا ھەر قايسى ساھەلەردە پائال خىزمەت قىلىۋاتقان ئاياللار ۋە مۇتەخەسسىسلەر قاتناشقان «بۈگۈنكى ئاياللار، ئەتىدىكى ئىران» ناملىق مەخسۇس يىغىندا سۆز قىلغان پەزەشكىيان، ئامېرىكا بىلەن ئۇرۇش ۋە سۆھبەت ئېھتىمالى ھەققىدە توختالدى.
ئۇ ئىراننىڭ ھۇجۇملار ئالدىدا زېمىن پۈتۈنلۈكىنى قوغدىغانلىقىنى، ئەمما ئۇرۇشنى نىشان قىلمىغانلىقىنى تەكىتلەپ مۇنداق دېدى:
«سۆھبەت جەريانىدا كۈچىمىزنىڭ ئەڭ يۇقىرى سەۋىيەسىدە تۇرۇپ، ھېكمەت، ئىززەت-ھۆرمەت ۋە مەنپەئەتلىرىمىزنى كۆزدە تۇتقان ھالدا قەدەممۇقەدەم ئىلگىرىلەيمىز. مەقسىتىمىز ئۇرۇشنى ئاخىرلاشتۇرۇش، مۇھاسىرىنى بىكار قىلىش، توڭلىتىلغان مەبلەغلىرىمىزنى قويۇپ بېرىش ۋە ئاندىن يادرو سۆھبىتى ئۆتكۈزۈش ئىدى.»
پەزەشكىيان خىتاينى مىسال قىلىپ: «خىتايغا ئوخشاش دۆلەتلەر ئىقتىسادىي رىقابەت ئارقىلىق ئۆزىنى ئىسپاتلاۋاتىدۇ. ۋەتەننى قوغداش، خەلققە خىزمەت قىلىش ۋە چەت ئەللىكلەر ئالدىدا مىللىي تەۋەلىك تۇيغۇسىغا ئىگە بولۇشمۇ ئاساسلىق مەسىلىلەردۇر. قىيىن مەزگىللەردە خەلقنىڭ قوللىشىغا مىننەتدارلىق بىلدۈرۈشىم كېرەك» دېدى.
