ئامېرىكىدا دېموكراتچى پارلامېنت ئەزالىرى، ئەدلىيە مىنىستىرى پام بوندى ۋە ياردەمچىسى تود بلانچې بىلەن ئۆتكۈزۈلگەن يېپىق ئىشىكلىك يىغىننى، ئەدلىيە مىنىستىرلىقىنىڭ جېفرېي ئېپشتېيننىڭ جىنسىي خورلاش مەقسەتلىك ئەتكەسچىلىك دېلولىرىنى بىر تەرەپ قىلىش شەكلى سەۋەبىدىن تاشلاپ چىقىپ كەتتى.
ۋەكىل روبېرت گارسيا بوندىدىن قەسەم ئىچىپ ۋە خاتىرىلەپ تۇرۇپ ئاشكارا گۇۋاھلىق بېرىشى كېرەكلىكىنى كۆزدە تۇتقان چاقىرىقنامىگە بويسۇنۇش-بويسۇنماسلىقىنى كۆپ قېتىم سورىغانلىقىنى، بوندىنىڭ ھەر قېتىم رەت قىلغانلىقىنى بىلدۈرۈپ: «بۇ پۈتۈنلەي مەسئۇلىيەتسىزلىك بىلەن ئۇيۇشتۇرۇلغان» دېدى ۋە يىغىننى «بىر خىل ساختا يىغىن» دەپ ئاتىدى.
ۋەكىل ياسمىن ئەنسارى يېپىق، خاتىرە قالدۇرۇلمايدىغان ۋە قەسەم بېرىشنى ئۆز ئىچىگە ئالمايدىغان بىر فورماتتا ئۆتكۈزۈلگەن يىغىننىڭ رەسمىي بىر پارلامېنت يىغىنىغا ھېچ ئوخشىمايدىغانلىقىنى، ھەر بىر پارلامېنت ئەزاسىغا پەقەت ئۈچ مىنۇت سوئال سوراش ۋاقتى بېرىلگەنلىكىنى ۋە ھەر ئىككى ئەمەلدارنىڭ ئېچىلىش نۇتقى سۆزلىمىگەنلىكىنى تىلغا ئالدى. ئەنسارى بوندىنىڭ رەسمىي ھالدا سوتقا چىقىشنى رەت قىلىشىنى مىسال قىلىپ تۇرۇپ: «ئۇلارنىڭ ھەرىكەتلىرى دېلونى يېپىپ قويۇش جەھەتتە تېخىمۇ گۇناھكار كۆرۈندى» دېدى.
مەسىلە ھەققىدە سوئاللىرى يوق!
دېموكراتلارنىڭ يىغىندىن ئايرىلىشىنى كەلتۈرۈپ چىقارغان ئىش بولسا، ئاۋام پالاتاسى نازارەتچىلىك كومىتېتىنىڭ رەئىسى جامىس كومېرنىڭ بىر دېموكرات ئەزانىڭ بوندىغا قارشى چاقىرىقنامىنى ئىجرا قىلىش-قىلماسلىق ھەققىدىكى سوئالىغا قايتۇرغان كەمسىتىش خاراكتېرلىك باھاسى بولدى. دېموكراتلار «بۇنى يېتەرلىك ئاڭلىدۇق» دەپ سالوننى تاشلاپ چىقىپ كەتتى. كومېر بولسا دېموكراتلارنى ئەيىبلەپ، سوئال سوراش پۇرسىتى بارلىقىنى، ئەمما «مەسىلىگە ئالاقىدار بىر سوئالمۇ سورىمىغانلىقىنى» بىلدۈردى.
جىنسىي خورلاش مەقسەتلىك ئەتكەسچىلىك جىنايىتى بىلەن سوتلىنىشنى كۈتۈۋاتقان ئېپشتېيننىڭ 2019-يىلى نيۇ-يوركتىكى تۈرمە ھۇجرىسىدا ئۆلۈكى تېپىلغان ئىدى. ئېپشتېين 2008-يىلى فلورىدا ئىشتاتىدىكى بىر سوتتا بالاغەتكە يەتمىگەن بىرىنى پاھىشىۋازلىققا قىزىقتۇرۇش جىنايىتىنى ئېتىراپ قىلغان بولسىمۇ، لېكىن قارارنى تەنقىد قىلغۇچىلار بۇ نىسبەتەن يېنىك جازانى «تەرەپبازلىق» دەپ سۈپەتلىگەن ئىدى.
