تۈركىيە جۇمھۇرىيىتى دۆلەت مۇداپىئە مىنىستىرلىقى ئاخبارات ۋە جەمئىيەت بىلەن ئالاقە قىلىش ئىشلىرى مەسلىھەتچىسى، قوشۇمچە مىنىستىرلىق باياناتچىسى بىرىگادا گېنېرالى زەكى ئاقتۈرك: «SDG نىڭ تارقىتىۋېتىلىشى ۋە سۈرىيە دۆلەت ئورگانلىرىغا قوشۇلۇشى، سۈرىيەنىڭ ئىگىلىك ھوقۇقى ۋە زېمىن پۈتۈنلۈكىنىڭ قوغدىلىشى ھەمدە <بىر دۆلەت، بىر ئارمىيە> چۈشەنچىسىنىڭ كۈچىيىشى جەھەتتىن ناھايىتى زور ئەھمىيەتكە ئىگە بىر ئىلگىرىلەشتۇر» دېدى.
زەكى ئاقتۈرك ھەپتىلىك ئاخبارات ۋاسىتىلىرىنى خەۋەرلەندۈرۈش يىغىنىدا بەرگەن باياناتىدا، SDG نىڭ تارقىتىۋېتىلىشى ۋە سۈرىيە دۆلەت ئورگانلىرىغا قوشۇلۇشىغا دائىر ئۆزگىرىشلەرنىڭ خۇشاللىق بىلەن قارشى ئېلىنغانلىقىنى بايان قىلىپ، مۇنداق دېدى:
«تۈركىيە قوراللىق كۈچلىرىمىز سۈرىيەدە قولغا كەلتۈرۈلگەن ئىجابىي كەيپىياتنىڭ پۈتۈن مەملىكەتكە كېڭىيىشى، مۇقىملىقنىڭ ئۇزۇن مۇددەتلىك بولۇشى ۋە سۈرىيە ئارمىيەسىنىڭ بولۇپمۇ تېررورىزمغا قارشى كۈرەش ئىقتىدارىنى ئۆستۈرۈشىگە قاراتقان قوللىشىنى، مەۋجۇت ھەربىي ھەمكارلىق كېلىشىمى دائىرىسىدە ئۈزلۈكسىز داۋاملاشتۇرىدۇ.»
