ۋېنېزۇئېلا مۇئاۋىن پىرېزىدېنتى دېلسى رودرىگۇئېز جۇمھۇر رەئىس رەجەپ تاييىپ ئەردوغاننىڭ تەكلىپىگە بىنەئەن تۈركىيەگە كەلدى.
جۇمھۇر رەئىس ئەردوغان ۋېنېزۇئېلا مۇئاۋىن پىرېزىدېنتى رودرىگۇئېز بىلەن جۇمھۇر رەئىسلىك مەھكىمىسنىڭ ئىستانبۇلدىكى دولماباھچە سارىيى ئىشخانىسىدا بىر يەرگە جەم بولدى.
سۆھبەتكە مۇئاۋىن جۇمھۇر رەئىس جەۋدەت يىلماز، تاشقى ئىشلار مىنىستىرى خاقان فىدان، ئېنېرگىيە ۋە تەبىئىي بايلىقلار مىنىستىرى ئالپارسلىان بايراقتار، سانائەت ۋە تېخنولوگىيە ئىشلىرى مىنىستىرى مەھمەت فاتىھ قاجىر، سودا مىنىستىرى ئۆمەر بولات، جۇمھۇر رەئىسلىك مەھكىمىسى ئۇچۇر-ئالاقە ئىشلىرى ئىدارىسى باشلىقى بۇرھانەتتىن دۇران ۋە جۇمھۇر رەئىسنىڭ تاشقى سىياسەت ۋە خەۋپسىزلىك ئىشلىرى باش مەسلىھەتچىسى ئاكىف چاغاتاي قىلىچ قاتارلىقلارمۇ قاتناشتى.
كۈتۈۋېلىشتا تۈركىيە-ۋېنېزۇئېلا ئىككى تەرەپ مۇناسىۋەتلىرى ۋە خەلقئارالىق ئۆزگىرىشلەر مۇزاكىرە قىلىندى.
جۇمھۇر رەئىس ئەردوغان سۆھبەتتە، دۆلىتىمىزنىڭ ھەر دائىم دوست ۋېنېزۇئېلا خەلقىنىڭ يېنىدا ئىكەنلىكىنى بىلدۈردى.
ئەردوغان، تۈركىيە بىلەن ۋېنېزۇئېلانىڭ سودا، ئېنېرگىيە ۋە كانچىلىق ساھەلىرىنى ئۆز ئىچىگە ئالغان نۇرغۇن ساھەلەردىكى ھەمكارلىقىنى تېخىمۇ ئىلگىرى سۈرۈشنىڭ ئىرادىسىنىڭ قەتئىيلىكىنى تەكىتلىدى.
سۆھبەتتە يەنە، 3 مىليارد دوللارلىق سودا سوممىسى نىشانىغا يېتىش ئۈچۈن تاشلىنىدىغان قەدەملەر مۇزاكىرە قىلىندى.
