ب د ت نىڭ ئىشغال ئاستىدىكى پەلەستىن زېمىنلىرى ئالاھىدە دوكلاتچىسى "ياۋروپانىڭ ئىسرائىلىيەلىشىشى" ھەققىدە ئاگاھلاندۇرۇش بەردى.

فىرانسېسكا ئالبانېس ئافىنادا <پەلەستىنلىكلەر بىلەن ھەمكارلىق> پائالىيىتىدە سۆز قىلىپ، ئىسرائىلىيەنىڭ خەلقئارا جىنايى ئىشلار سوت مەھكىمىسى (UCM) ۋە خەلقئارا سوت مەھكىمىسى (UAD) ئالدىدا ئۇرۇش جىنايىتى، ئىنسانىيەتكە قارشى جىنايەت ۋە ئىرقىي قىرغىنچىلىق بىلەن ئەيىبلىنىۋاتقانلىقىنى تەكىتلىدى.

ئالبانېس خەلقئارا سوت مەھكىمىسىنىڭ بىر قارارىنى تىلغا ئېلىپ: "ئىسرائىلىيەنىڭ پەلەستىن ئىشغالىيىتى... تولۇق ۋە شەرتسىز رەۋىشتە ئاخىرلاشقىچە، ب د ت غا ئەزا دۆلەتلەر ئىسرائىلىيەگە ھېچقانداق شەكىلدە ياردەم ياكى مەدەت بەرمەسلىكى كېرەك" دېدى.

ياۋروپا سىياسەتلىرىنىڭ تەنقىدلىنىشى

ئۇ ياۋروپا دۆلەتلىرىنى ئىسرائىلىيە بىلەن سودىنى داۋاملاشتۇرۇش، ئۇنى قوغداش ۋە قوراللاندۇرۇش شۇنداقلا جاسوسلۇق قوراللىرىنى سېتىۋېلىش ۋە "ئۆز جەمئىيەتلىرىدە بىخەتەرلىك بېسىمىنى ئاشۇرۇش" بىلەن تەنقىد قىلدى.

ئالبانېس <بۇ جەمئىيەتلىرىمىزنىڭ ئىسرائىلىيەلىشىشى دېمەكتۇر. جەمئىيەتلىرىمىز ئىسرائىلىيەلەشكەندە، بەزىلەرنىڭمۇ پەلەستىنلىشىشى يۈز بېرىدۇ ۋە بۇ ئاللىبۇرۇن يۈز بېرىۋاتىدۇ> دېدى.

گرېتسىيەنىڭ سابىق مالىيە مىنىستىرى يانىس ۋارۇفاكىس، گرېتسىيەنىڭ "ياۋروپادىكى باشقا بارلىق دۆلەتلەردىن تېخىمۇ كۆپ ئىسرائىلىيەلەشكەنلىكىنى" بىلدۈردى.

ئالبانېس يەنە، غەززەگە كېتىۋاتقان ئىنسانپەرۋەرلىك ياردەم كېمىسى "سۇمۇد"نىڭ (Sumud) جۈمە كۈنى گىرىت ئارىلى ئەتراپىدا ھۇجۇمغا ئۇچرىغانلىقى تەرەپكىمۇ دىققەتلەرنى تارتتى.

ئۇ: "بۇنى ئېيتىشتىن ئەپسۇسلىنىمەن، ئەمما ئىنسانپەرۋەرلىك ۋەزىپىسىنى توسۇشتا گرېتسىيە دائىرىلىرىنىڭ ئىسرائىلىيەلىكلەر بىلەن بىرلىكتە ھەرىكەت قىلىشى خاتادۇر" دەپ تەكىتلىدى.