يەرلىك تاراتقۇلارنىڭ خەۋەر قىلىشىچە، تايلاندنىڭ ناراتخىۋات شەھىرىدە ھەپتە ئاخىرىدا ئايرىم – ئايرىم يۈز بەرگەن ئىككى قېتىملىق بومبا ھۇجۇمىدا كەم دېگەندە 16 كىشى يارىلانغان.
«‹Bangkok Post› گېزىتى» نىڭ خەۋىرىگە قارىغاندا، دەسلەپكى ھۇجۇم مۇئاڭ ناھىيەسىدىكى خوك خىيان ساقچى پونكىتىنىڭ تۇرالغۇ بىناسىنىڭ ئالدىدا توختىتىپ قويۇلغان بىر موتسىكلىتنىڭ پارتلىشى نەتىجىسىدە مەيدانغا كەلگەن، پارتلاشتا توققۇز كىشى يارىلانغان. پارتلاش سەۋەبىدىن بىنا، رىشاتكا ۋە توختىتىپ قويۇلغان باشقا ماشىنىلارمۇ زىيانغا ئۇچرىغان.
ۋايېڭ ناھىيەسىدە بولسا، قوراللىق كىشىلەر بىر ئۆينىڭ ئالدىدا كەچلىك تاماق يەيۋاتقان تايلاندلىق بۇددىستلارغا قول بومبىسى ئېتىپ، ئوق چىقارغان. بۇ ھۇجۇمدا يەتتە كىشى يارىلانغان، يارىدارلار يەرلىك بىر شىپاخانىغا ئورۇنلاشتۇرۇلغان.
يارىلانغانلارنىڭ ئەھۋالى توغرىسىدا ئۇچۇر بېرىلمىگەن.
ئالاقىدار تارماقلار ھۇجۇملارنىڭ كېلىپ چىقىش سەۋەبىنى تەكشۈرۈشكە باشلىغان ۋە بىخەتەرلىك تەدبىرلىرىنى كۈچەيتكەن.
