ئانادولۇ ئاگېنتلىقىنىڭ بىر مۇخبىرىنىڭ خەۋىرىگە قارىغاندا، ئىسرائىلىيە ئىراننىڭ پايتەختى تېھرانغا جايلاشقان ئىمام ھۈسەين ئۇنىۋېرسىتېتىغا ھۇجۇم قىلغان.
مەلۇماتلارغا قارىغاندا، بۇ ئۇنىۋېرسىتېت ئىران ئىنقىلابىي مۇھاپىزەتچىلەر قىسمىغا تەۋە ئىكەن.
چارشەنبە كۈنى يۈز بەرگەن ھۇجۇمدىن كېيىن، بۇ رايوننى ئىس – تۈتەك قاپلاپ كەتكەن.
رايوندىكى جىددىيچىلىك ئىسرائىلىيەنىڭ جۈمە كۈنى ئىراندىكى ھەربىي ۋە يادرو مۇئەسسەلىرىنى ئۆز ئىچىگە ئالغان كۆپلىگەن نۇقتىلارغا ھاۋا ھۇجۇملىرى ئېلىپ بېرىشى بىلەن تېخىمۇ ئەۋج ئېلىپ كەتكەن. بۇ ھۇجۇملار تېھراننىڭ قايتۇرما ھۇجۇمغا ئۆتۈشىگە سەۋەب بولغان.
ئىسرائىلىيە دائىرىلىرىنىڭ بىلدۈرۈشىچە، شۇ ۋاقىتتىن بۇيان ئىراننىڭ باشقۇرۇلىدىغان بومبا ھۇجۇملىرىدا كەم دېگەندە 24 كىشى ئۆلگەن، يۈزلەرچە كىشى يارىلانغان.
ئىران تەرەپنىڭ بىلدۈرۈشىچە، ئىسرائىلىيەنىڭ ھۇجۇملىرىدا كەم دېگەندە 224 كىشى ئۆلگەن، 1000 دىن ئارتۇق كىشى يارىلانغان.
لېكىن، بىر كىشىلىك ھوقۇق گۇرۇپپىسىنىڭ چارشەنبە كۈنى ئېلان قىلغان باياناتىدا بىلدۈرۈشىچە، ئىسرائىلىيەنىڭ ھۇجۇملىرىدا ئىران مىقياسىدا كەم دېگەندە 585 كىشى ئۆلگەن، 1326 كىشى يارىلانغان.
مەركىزى ۋاشىنگتونغا جايلاشقان كىشىلىك ھەق - ھوقۇقلىرى پائالىيەتچىلىرى گۇرۇپپىسىنىڭ ئۇقتۇرۇشىچە، ئۆلگەنلەردىن 239 ى پۇقرا، 126 سى بولسا دۆلەت خەۋپسىزلىك خادىملىرى ئىكەن.
