تۈركىيە جۇمھۇرىيىتى جۇمھۇر رەئىسى رەجەپ تاييىپ ئەردوغان جۈمە كۈنى ئېلان قىلغان باياناتىدا، ئىسرائىلىيەنىڭ ھۇجۇملىرى سەۋەبىدىن بارغانسېرى ئەۋج ئېلىپ كېتىۋاتقان زوراۋانلىق دولقۇنىنىڭ رايونغا ۋە ياۋروپاغا كۆچمەن دولقۇنى ۋە يادرو سىزىپ كېتىش ئېھتىماللىقى جەھەتتىن زىيان يەتكۈزۈشى مۇمكىنلىكىنى تەكىتلىدى.
تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسىنىڭ بىلدۈرۈشىچە، جۇمھۇر رەئىس ئەردوغان گېرمانىيە باش مىنىستىرى فرىدرىخ مېرز بىلەن ئۆتكۈزگەن تېلېفون سۆھبىتىدە، ئىران بىلەن يادرو كېلىشىلمەسلىكلەرنى ھەل قىلىشنىڭ يولىنىڭ مۇزاكىرە ئۈستىلىدىن ئۆتىدىغانلىقىنى ئېيتىپ، ئىسرائىلىيەنىڭ ئىرانغا ھۇجۇم قىلىشى بىلەن باشلانغان توقۇنۇش باسقۇچىنىڭ رايوننىڭ خەۋپسىزلىكىگە يۈزلەرچە تەھدىتنى ئەڭ يۇقىرى دەرىجىگە يەتكۈزگەنلىكىنى قەيت قىلغان.
جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسىنىڭ ئاممىۋى ئورتاقلىشىش تور بېتى X سەھىپىسىدە ئېلان قىلىنغان باياناتىدا مۇنداق دېيىلگەن:
«جۇمھۇر رەئىسىمىز رەجەپ تاييىپ ئەردوغان ئىسرائىلىيەنىڭ ھۇجۇملىرى سەۋەبىدىن قوزغالغان زوراۋانلىق دولقۇنىنىڭ، بولۇپمۇ ئوتتۇرىغا چىققۇسى كۆچمەنلەر دولقۇنلىرى ۋە يادرو سىزىپ كېتىش جەھەتتىن ھەم رايوننى ھەم ياۋروپانى سەلبىي تەسىرگە ئۇچرىتىشى مۇمكىنلىكى توغرىسىدا ئاگاھلاندۇردى.»
جۇمھۇر رەئىس ئەردوغان ئىسرائىلىيەنىڭ ئىرانغا ھۇجۇم قىلىشى بىلەن باشلانغان توقۇنۇش باسقۇچىنىڭ رايوننىڭ خەۋپسىزلىكىگە يۈزلەرچە تەھدىتنى ئەڭ يۇقىرى دەرىجىگە يەتكۈزگەنلىكىنى بىلدۈردى.
تېلېفون سۆھبىتىدە يەنە، ئىككى رەھبەرنىڭ تۈركىيە – گېرمانىيە مۇناسىۋەتلىرى ۋە رايونلۇق مەسىلىلەرنى مۇزاكىرە قىلغانلىقى ئەسكەرتىلدى.
