تۈركىيە
2 مىنۇت ئوقۇش
ئورۇچ رەئىس سېيسمىك تەتقىقات پاراخوتى پاكىستان دېڭىز تەۋەلىكىدە ۋەزىپە ئۆتەشنى باشلايدۇ
تۈركىيە جۇمھۇرىيىتى چەت ئەل دېڭىزلىرىدىكى ھىدروكاربون ئىزدەش پائالىيەتلىرىگە يەنە بىر يېڭىسىنى قوشۇشقا تەييارلانماقتا.
ئورۇچ رەئىس سېيسمىك تەتقىقات پاراخوتى پاكىستان دېڭىز تەۋەلىكىدە ۋەزىپە ئۆتەشنى باشلايدۇ
ئورۇچ رەئىس سېيسمىك تەتقىقات پاراخوتى پاكىستان دېڭىز تەۋەلىكىدە ۋەزىپە ئۆتەشنى باشلايدۇ / АА

تۈركىيە جۇمھۇرىيىتى ئېنېرگىيە ۋە تەبىئىي بايلىقلار مىنىستىرلىقىنىڭ باياناتىغا قارىغاندا، دۆلەت ئىچى ۋە سىرتىدا ھىدروكاربون ئىزدەش پائالىيەتلىرىنى پۈتۈن كۈچى بىلەن داۋاملاشتۇرۇۋاتقان تۈركىيە، چەت ئەل دېڭىزلىرىدىكى ئىزدەش پائالىيەتلىرىگە يەنە بىر يېڭىسىنى قوشۇشقا تەييارلانماقتا. «ئورۇچ رەئىس» سېيسمىك تەتقىقات پاراخوتى سومالىدا ئېلىپ بارغان تۇنجى قىتئەلەر ئارا ۋەزىپىسىدىن كېيىن، 30-ئۆكتەبىردە مەرسىن تاشئۇجۇ پورتىدىن يولغا چىقىپ، پاكىستانغا يېتىپ بارىدۇ ۋە ئىككىنچى چەت ئەل ھەرىكىتىنى باشلايدۇ.

پاكىستان دېڭىز تەۋەلىكىدىكى ئىككى ئايرىم نۇقتىدا خىزمەت قىلىدىغان ئورۇچ رەئىس، 670 كىۋادرات كىلومېتىرلىق رايوندا ئۈچ ئۆلچەملىك، 2 مىڭ 353 كىلومېتىرلىق رايوندا ئىككى ئۆلچەملىك سېيسمىك سانلىق مەلۇمات توپلايدۇ. ئورۇچ رەئىسنىڭ پاكىستانغا يېتىپ بېرىشى مۇناسىۋىتى بىلەن ئەتە پاكىستاندا ئېنېرگىيە ۋە تەبىئىي بايلىقلار مىنىستىرى ئالپئارسلان بايراقتارنىڭ قاتنىشىشى بىلەن بىر مۇراسىم ئۆتكۈزۈلىدۇ.

«پاكىستان دېڭىز ساھەلىرىدە ھىدروكاربون ئىزدەش خىزمەتلىرىنى باشلايمىز»

مىنىستىر بايراقتار دۇنيادىكى 4-چوڭ چوڭقۇر دېڭىز بۇرغىلاش فىلوتىغا ئىگە تۈركىيەنىڭ تەجرىبىسىنى دوست ۋە قېرىنداش پاكىستان بىلەن كۈچ بىرلەشتۈرۈپ يېڭى مۇۋەپپەقىيەتلەرگە ئايلاندۇرۇشنى نىشان قىلغانلىقىنى بىلدۈرۈپ: «تۈرك ئىنژېنېرلىرىمىز تەرىپىدىن ياسالغان مىللىي پەخرىمىز ئورۇچ رەئىس سېيسمىك تەتقىقات پاراخوتىمىز قىتئەلەر ئارا ئىككىنچى ۋەزىپىسى ئۈچۈن پاكىستانغا يېتىپ باردى. بۈگۈنگىچە كۆك ۋەتەندە 23 مىڭ كىلومېتىرلىق، سومالىدا بولسا 4 مىڭ 464 كىۋادرات كىلومېتىرلىق رايوندا تەكشۈرۈش ئېلىپ بېرىپ مۇھىم سانلىق مەلۇماتلارنى ئىشلەپچىقارغان ئورۇچ رەئىس بىلەن ئەمدى پاكىستان دېڭىز ساھەلىرىدىمۇ ھىدروكاربون ئىزدەش خىزمەتلىرىنى باشلايمىز» دېدى.

مارجان 3B ۋە ماكران 2B لايىھەلىرى ئىجرا قىلىنىدۇ

ھەرىكەت دائىرىسىدە ئالدى بىلەن ئىندۇس-C بۆلىكى دەپ ئاتالغان ساھەدە «مارجان 3B سېيسمىك لايىھەسى» نى ئىجرا قىلىدىغان ئورۇچ رەئىس، كاراچى دېڭىز قىرغىقى سىرتىدىكى 670 كىۋادرات كىلومېتىرلىق رايوندا تەخمىنەن 50 كۈن ئىچىدە ئۈچ ئۆلچەملىك سېيسمىك سانلىق مەلۇمات توپلايدۇ. ئۇنىڭدىن كېيىن «ماكران 2B سېيسمىك لايىھەسى» دائىرىسىدە 2 مىڭ 353 كىلومېتىرلىق رايوندا 25 كۈن جەريانىدا ئىككى ئۆلچەملىك سانلىق مەلۇمات توپلاش پىلانلانماقتا. 2017-يىلى يەرلىك ۋە مىللىي ئىمكانىيەتلەر بىلەن ياسالغان ئورۇچ رەئىس، بۇنىڭدىن ئىلگىرى سومالىدا 9 ئاي داۋاملاشقان ۋەزىپىسىنى مۇۋەپپەقىيەتلىك تاماملاپ، تۈركىيەنىڭ چەت ئەلدىكى تۇنجى چوڭقۇر دېڭىز بۇرغىلىشىغا يول ئاچقان ئىدى.

ئىزدىنىڭ
خاقان فىدان «رايونلار ئارا باغلىنىشچانلىق ۋە قارا دېڭىز بىخەتەرلىكى يىغىنلىرى» غا قاتنىشىدۇ
تۈركىيە ۋە 17 دۆلەت ئىسرائىلىيەنىڭ غەززەدىكى دوختۇرخانىغا قىلغان ھۇجۇمىنى قاتتىق ئەيىبلىدى
تۈركىيە پەلەستىن دۆلىتى قۇرۇلغانلىقىنىڭ 38 - يىللىقىنى تەبرىكلىدى
تۈركىيە بىلەن قاتار رەھبەرلىرىنىڭ ئىستانبۇلدىكى ئۇچرىشىشىدا تارىخىي مۇداپىئە كېلىشىمى ئىمزالىدى
ئەردوغان COP31 يىغىنىدا سەككىز دۆلەت رەھبىرى بىلەن كۆرۈشتى
ئەردوغان: COP31 دىكى قەتئىي ئىرادە پارىژ كىلىمات كېلىشىمىنى ئەمەلىيلەشتۈرۈشكە تۈرتكە بولىدۇ
مالاتيادا يۈز بەرگەن تىك ئۇچار ھادىسىسىدە تۆت ئەسكەر شېھىت بولدى
تۈركىيە بىلەن خىتاي ئوتتۇرىسىدا ئېنېرگىيە ساھەسىدە مەبلەغ سېلىش كېلىشىمى ئىمزالاندى
تۈركىيەلىك سەنئەتكارلار ۋە تەنھەرىكەتچىلەر كىلىمات كىرىزىسىغا قارشى دەرھال ھەرىكەتكە ئۆتۈشكە چاقىردى
تۈركىيە قىبرىس سۆھبەتلىرىدىكى ئىلگىرىلەشنى قارشى ئالدى
تۈركىيە بىلەن ئۆزبېكىستان مۇھىت ئاسراش ساھەسىدە ھەمكارلىق كېلىشىمى ئىمزالىدى
ئەردوغان: ئارىمىزغا سوغۇقچىلىق سالماقچى بولغانلار خەلقلىرىمىزنىڭ قەتئىي ئىرادىسىنى نەزەرگە ئالمىدى
31- نۆۋەتلىك ب د ت كىلىمات ئۆزگىرىشى يىغىنىغا ئالتە قىتئەدىن جەمئىي 102 نەپەر رەھبەر قاتنىشىدۇ
تۈركىيە بىلەن ئىراق ئورتاق ئاخبارات باياناتى ئېلان قىلدى
ئەردوغان تىرامپ بىلەن كۆرۈشۈپ، ئامېرىكا-ئىران جىددىيچىلىكىنى مۇزاكىرىلەشتى
خاقان فىدان: خەلقئارالىق تۇتاشتۇرۇشچانلىقنى كۈچەيتىش ئۈچۈن تۈركىيە تەشەببۇسىنىڭ ۋاقتى كەلدى
خەلقئارا قانۇن بىلەن ئىنسانپەرۋەرلىك كىرىزىسى گىرەلىشىپ كەتكەن غەززە
«خەلقئارا تۈزۈمدىكى ئامېرىكا پارادوكسى» مۇزاكىرە قىلىندى
تۈركىيە دىپلوماتىك مۇناسىۋەتلەرنى تەرەققىي قىلدۇرۇشتا مۇھىم رول ئوينىماقتا
جۇمھۇر رەئىس ئەردوغان: «8-نويابىر كۈنى ئەزەربەيجاننى زىيارەت قىلىشنى ئويلىشىۋاتىمەن»