ئەنگلىيە كوماندىسى دۇنيا لوڭقىسىنىڭ قىزغىن قارشى ئېلىنغان بىر مەيدان مۇسابىقىسىدە، فىرانسىيەنى 4 كە قارشى 6 نەتىجە بىلەن يېڭىپ، ئۈچىنچىلىككە ئېرىشتى.

ئەنگلىيە كوماندىسىنىڭ ماھىرى دېكلان رايس(Declan Rice) مۇسابىقە باشلىنىپ 3-مىنۇتتا تۇنجى توپنى كىرگۈزدى. نەتىجىدە ئەنگلىيە كوماندىسى مۇسابىقىنى ئۈستۈنلۈك بىلەن باشلىغان بولدى. ئارىدىن ئۇزۇن ئۆتمەي ئەزرى كونسا (Ezri Konsa)  18-مىنۇتتا ئىككىنچى توپنى كىرگۈزدى.

بۇكايو ساكا (Bukayo Saka)  37-مىنۇتتا ۋە بىرىنچى مەيداننىڭ قوشۇپ بېرىلگەن ۋاقتىدا ئىككى توپ كىرگۈزۈپ، «ئۈچ شىر» (ئەنگلىيە كوماندىسى) نىڭ بىرىنچى مەيداننى 0 گە قارشى 4 نەتىجىدە ئۈستۈنلۈك بىلەن تاماملىشىغا شارائىت ياراتتى.

ئىككىنچى مەيدان مۇسابىقىدە، فىرانسىيە كوماندىسىنىڭ ماھىرى كىلىئان مىباپپې 48- ۋە 66-مىنۇتلاردا توپ كىرگۈزدى. برادلېي باركولا (Bradley Barcola)  54-مىنۇتتا بىر توپ كىرگۈزدى.

ئەنگلىيە ماھىرى ساكا 87-مىنۇتتا بېرىلگەن بىر جازا توپنى كىرگۈزۈپ، ئۆزىنىڭ «خاترىك» ىنى، يەنى  ئۈچ توپنى تاماملىدى.

فىرانسىيە ماھىرى ئوسمان دېمبېلې قوشۇپ بېرىلگەن ۋاقىتتا فىرانسىيەنىڭ تۆتىنچى، يەنى ئەڭ ئاخىرقى توپىنى كىرگۈزدى.

 بىراق، ئارقىدىن ئەنگلىيە ماھىرى جۇد بېللىڭخام (Jude Bellingham) مۇسابىقىنىڭ ئەڭ ئاخىرقى مىنۇتلىرىدا ئەنگلىيەنىڭ ئالتىنچى توپىنى كىرگۈزدى.

مۇناسىۋەتلىك ئۇچۇرلارTRT World - Youthful Spain face battle-hardened Argentina in 2026 World Cup final

مىباپپې ئۈچۈن يېڭى رېكورت

مىباپپې شەنبە (2026-يىلى 18-ئىيۇل) كۈنى ئەنگلىيە كوماندىسىنىڭ ۋاراتاسىغا كىرگۈزگەن ئىككى توپى بىلەن، دۇنيا لوڭقىسى تارىخىدا جەمئىي 22 توپ كىرگۈزۈپ، ئەڭ كۆپ توپ كىرگۈزگەن ماھىر بولۇپ قالدى.

ئۇ 27 ياشلىق ئارگېنتىنالىق ماھىر لىيۇنېل مېسسى (21 توپ) دىن ئېشىپ كەتتى. مېسسى يەكشەنبە (19-ئىيۇل) كۈنى ئىسپانىيەگە قارشى ھەل قىلغۇچ مۇسابىقىگە چۈشىدۇ. بۇ مېسسىنىڭ ئەڭ ئاخىرقى دۇنيا لوڭقىسى مۇسابىقىسى بولۇپ قالىدۇ.

مىباپپې ئۈچۈن ئېيتقاندا، ئۇنىڭ كەم دېگەندە يەنە بىر قېتىملىق دۇنيا لوڭقىسى مۇسابىقىسىگە قاتنىشىش پۇرسىتى بار.

مىباپپې ئۆزىنىڭ ئۈچىنچى قېتىملىق دۇنيا لوڭقىسى مۇساپىسىنى 10 توپ بىلەن تاماملاپ، «ئالتۇن پۇت» مۇكاپاتى تىزىملىكىدە مېسسىدىن ئىككى توپ ئالدىدا تۇرماقتا. خان جەمەتى مادرىد ھۇجۇمچىسى 22 مەيدان مۇسابىقىدە بۇ نەتىجىگە ئېرىشتى.

مىباپپې مۇنداق دېدى: «مېسسىنىڭ (يەكشەنبە كۈنى) توپ كىرگۈزىدىغانلىقى ئېنىق. مەن پەقەت كوماندامنىڭ غەلىبە قىلىشىغا ياردەم بېرىشكە تىرىشىۋاتىمەن. دۇنيا لوڭقىسىدا كۆپ توپ كىرگۈزسىڭىز، ئالاھىدە قاتارغا كىرىسىز. مەن تارىختىكى ئەڭ كۆپ توپ كىرگۈزگەن ماھىر بولغاندىن كۆرە، ئەتە (ھەل قىلغۇچ) مۇسابىقىدە ئويناشنى ئەلا بىلگەن بولاتتىم. بۇ رېكورت شان-شەرەپ جەھەتتىن ياخشى، لېكىن بۈگۈن مېنىڭ كاللامدىكى بىرىنچى مۇھىم ئىش ئەمەس.»