غەزەدە بوۋاقلارنىڭ سوغۇقتىن توڭلاپ ئۆلۈشى ب د ت نىڭ ‹قاتتىق ئەندىشىسىنى› قوزغىدى

بىرلەشكەن دۆلەتلەر تەشكىلاتى غەزەدە بىر ئايلىق بوۋاقنىڭ سوغۇقتىن توڭلاپ ئۆلۈشىدىن كېيىن قاتتىق ئەندىشە قىلىۋاتقانلىقىنى بىلدۈردى. بۇ ئىسرائىلىيەنىڭ ئىرقىي قىرغىنچىلىق ئۇرۇشى جەريانىدا، ئۈچ ھەپتىدىن ئاز ۋاقىت ئىچىدە يۈز بەرگەن سەككىزىنچى پاجىئەدۇر. ب د ت باياناتچىسى ستېفان دۇجاررىك بۇ خىل ئالدىنى ئالغىلى بولىدىغان ئۆلۈملەرنى ئەيىبلەپ، پۇقرالارنى قوغداش ۋە ئىنسانىي ياردەم يەتكۈزۈشنى تەلەپ قىلدى. دەم ئېلىش كۈنلىرى ب د ت رەھبەرلىكىدىكى 37  قېتىملىق ئىنسانىي ياردەم ئەۋەتىش ھەرىكىتىنىڭ 12 سى تاماملانغان ۋە 15 ى رەت قىلىنغان ئىدى.

تىبەتتىكى كۈچلۈك يەر تەۋرەشتە ئونلىغان كىشى ئۆلدى

خىتاينىڭ نېپال چېگراسىغا يېقىن تىبەت رايونىدا كۈچلۈك يەر تەۋرەش يۈز بېرىپ، ئاز دېگەندە 53 كىشى ئۆلدى ۋە ئېغىر دەرىجىدە ماددىي زىيان مەيدانغا كەلدى. ئامېرىكا يەر قۇرۇلۇشى تەكشۈرۈش ئىدارىسىنىڭ دوكلاتىغا ئاساسلانغاندا، 7.1 بال يەر تەۋرىگەن بولۇپ، نېپال ۋە ھىندىستاننىڭ بىر قىسىم جايلىرىدىمۇ ھېس قىلىنغان. يەرلىك ھۆكۈمەت زىياننى بېكىتىش ۋە زىيانغا ئۇچرىغان رايونلارغا ياردەم قىلىش بىلەن شۇغۇللانماقتا.

ئامېرىكا گۇۋانتانامودىكى 11 يەمەنلىك تۇتقۇننى ئومانغا تاپشۇرۈپ بەردى

ئامېرىكا گۇۋانتانامو قاماقخانىسىدىكى 11 يەمەنلىك تۇتقۇننى ئومانغا قايتۇرۇپ، قاماقخانادىكى تۇتقۇن سانىنى 15 كە چۈشۈردى. پېنتاگون بارلىق تۇتقۇنلارنىڭ تەپسىلىي تەكشۈرۈش جەريانىدىن كېيىن يۆتكەشكە لاياقەتلىك دەپ قارالغانلىقىنى بىلدۈردى. بۇ ئامېرىكا ھۆكۈمىتىنىڭ گۇۋانتانامودىكى بەتنام قاماقخانىنى تاقاش نىشانىغا قاراپ ئېلىنغان مۇھىم قەدەم دەپ قارالماقتا.

كانادا باش مىنىستىرى ترۇدو لىبېرال پارتىيە رەھبەرلىكى ۋە باش مىنىستىرلىقتىن ئىستېپا بەردى

كانادا باش مىنىستىرى جاستىن ترۇدو لىبېرال پارتىيە يېڭى رەھبەر سايلىغۇچە ۋەزىپىسىنى داۋاملاشتۇرىدىغانلىقىنى ئېيتىپ، ئىستېپا بېرىش پىلانىنى ئېلان قىلدى. 2015-يىلدىن بېرى ھوقۇق تۇتۇپ كەلگەن ترۇدو «ئىچكى جېدەللەر» ۋە قوللاشنىڭ ئاجىزلىشىشىنى ئىستېپا بېرىشنىڭ سەۋەبى قىلىپ كۆرسەتتى. ترۇدونىڭ بۇ ئېلانى ئۆتكەن يىلى مالىيە مىنىستىرىنىڭ تۇيۇقسىز ئىستېپا بېرىشى قاتارلىق سىياسىي مۇقىمسىزلىق مەزگىلىدىن كېيىن ئىلگىرى سۈرۈلگەن ئىدى.

ۋە ئاخىرىدا...

ئېلون ماسكنىڭ سىياسەتكە ئارىلىشىۋالغانلىقى ياۋروپا رەھبەرلىرىنىڭ تەنقىدىگە ئۇچرىدى

ياۋروپا رەھبەرلىرى ئېلون ماسكنىڭ سىياسىي ئارىلىشىشلىرىغا قارشى تەنقىدلىرىنى كۈچەيتمەكتە. فرانسىيە پىرېزىدېنتى ماكرون ماسكنى «بىۋاسىتە سايلامغا ئارىلاشتى» دەپ ئەيىبلىدى، گېرمانىيە پىرېزىدېنتى شولزمۇ ئۇنىڭ «مۇقىمسىز» باياناتلىرىنى ئەيىبلىدى. ئەنگلىيەدە، باش مىنىستىر كېير ستارمېر ماسكنى تارىخىي ئەھمىيەتكە ئىگە «بالىلار جىنسىي پاھىشە قىلمىشى داجىسى» ھەققىدە «يالغان-ياۋىداق ۋە خاتا ئۇچۇرلارنى تارقاتتى» دەپ تەنقىدلىدى. ماسك ستارمېرغا قارىتا قاتتىق ئەيىبلەشلەر بىلەن جاۋاب قايتۇردى. ماسك گېرمانىيەدىكى ئوڭچىل ئاف د پارتىيەسى ۋە برېكسىت تەشەببۇسچىسى نايجېل فاراژنىڭ رېفورما پارتىيەسىنى قوللايدىغانلىقىنى جاكارلىدى.