«مەقسىتىگە يېتەلمىدى» ناملىق بىر يۈرۈش سىنلىق فىلىمىنىڭ بۇ سانىدا، 15-ئىيۇل ھەربىي-سىياسىي ئۆزگىرىش قوزغاشقا ئۇرۇنۇش ۋەقەسىدىن كېيىن ئۆزگەرگەن تۈركىيەنىڭ تاشقى سىياسىتى ۋە تۈركىيەنىڭ كەلگۈسى ئىستىقبالى ھەققىدە سەتا (SETA) فوندى جەمئىيىتى تاشقى سىياسەت تەتقىقاتلىرى مۇدىرى پىروفېسسور، دوكتور مۇرات يېشىلتاش بىلەن سۆھبەت ئۆتكۈزىمىز.

15-ئىيۇل ھەربىي-سىياسىي ئۆزگىرىش قوزغاشقا ئۇرۇنۇش ۋەقەسى يۈز بەرگىنىگە 10 يىل بولدى. مەغلۇبىيەت بىلەن ئاخىرلاشقان ھەربىي-سىياسىي ئۆزگىرىش قوزغاشقا ئۇرۇنۇش ۋەقەسىدىن كېيىن، فەتھۇللاھچى تېررورلۇق تەشكىلاتى (FETÖ) دۆلەتنىڭ بارلىق ئاپپاراتلىرىدىن تازىلاندى. تۈركىيە خەۋپسىزلىكتىن تارتىپ دىپلوماتىيەگىچە بولغان نۇرغۇن ساھەلەردە مۇھىم بۇرۇلۇشلارنى باشتىن كەچۈردى.

ئاپپاراتلار ئارا ماسلىشىش ۋە بىر گەۋدىلىشىشنىڭ ئەمەلىيەتتە كۆرۈلۈشى، ئالدىنى ئالغۇچى خەۋپسىزلىك چۈشىنىشى، كۆپ قۇتۇپلۇق دىپلوماتىيە، كىرىزىس رايونلىرىدا زىممىسىگە ئالغان ئاكتىپ روللار، خەلقئارالىق مۇرەسسەچىلىك تەشەببۇسلىرى، رايونلۇق مۇقىملىق تىرىشچانلىقلىرى ۋە «تۈركىيە ئەسىرى» ئىستىقبالى يۆنىلىشىدە شەكىللەنگەن تاشقى سىياسەت پوزىتسىيەسى...