تۈركىيە جۇمھۇر رەئىسى رەجەپ تېييىپ ئەردوغان چارشەنبە كۈنى ئىستانبۇلدا 12 ياشلىق ئەنگلىيەلىك ئوتىزىملىق (روھىي يېتىلىشى نورمالسىز) پائالىيەتچى جوشۇئا خاررىسنى كۈتۈۋالدى. خاررىس ئەنگلىيەنىڭ پېتېربوروغ شەھىرىدىكى بىر مەسچىتكە قارىتىلغان ئاشقۇن ئوڭچىلارنىڭ ھۇجۇمىدىن كېيىن «CAKE NOT HATE» (ئۆچمەنلىكنى ئەمەس، پاستىنى تاللايلى) پائالىيىتىنى باشلىغان ھەمدە ئىسلاموفوبىيەگە (ئىسلام ئۆچمەنلىك قىلىش ئېقىمىغا) قارشى بىر ھەمكارلىق ئۈلگىسى يارىتىپ، ئۆيدە پىشۇرغان پاستىلارنى مەسچىتتىكى ئىبادەت قىلغۇچىلارغا تارقاتقان ئىدى.

تەھدىتلەرگە قارىماي، جوشۇئا ۋە ئاتىسى دان خاررىس  بۇ تەشەببۇسنى كېڭەيتىپ، ئەنگلىيە مىقياسىدا 100 دىن ئارتۇق مەسچىتنى زىيارەت قىلدى. ئۇلار ئىستانبۇلدىكى 10 كۈنلۈك زىيارىتى جەريانىدا، دوستلۇق ۋە ئىتتىپاقلىقنى ئىلگىرى سۈرۈش ھەمدە مۇسۇلمانلارغا ئۆچمەنلىك قىلىشقا قارشى تۇرۇش مەقسىتىدە، تارىخىي سۇلەيمانىيە جامىسىدىن باشلاپ مەسچىتلەردە ئۆيدە پىشۇرۇلغان پاستىلارنى تارقىتىپ بۇ پائالىيەتنى داۋاملاشتۇرماقتا.