سەئۇدى ئەرەبىستان باشچىلىقىدىكى ئىتتىپاقداش قىسىملارنىڭ باياناتىدا، يەمەندىكى خۇسىي ئىسيانچىلىرى پەيشەنبە (6-ئاۋغۇست) كۈنى كېچىدە ئېلىپ بارغان ھۇجۇمدا پادىشاھلىقنىڭ جەنۇبىدا 11 پۇقرانىڭ يارىلانغانلىقى بىلدۈرۈلدى. بۇ ھۇجۇم تۆت يىلدىن ئاشقان توقۇنۇش جەريانىدا، سەئۇدى ئەرەبىستاندا پۇقرالار ئەڭ كۆپ زىيانكەشلىككە ئۇچرىغان ھۇجۇملارنىڭ بىرى سۈپىتىدە خاتىرىگە ئېلىندى.

ئىتتىپاقداش قىسىملارنىڭ ئېلان قىلغان باياناتىدا، يارىلانغانلار ئارىسىدا يەتتە نەپەر سەئۇدى ئەرەبىستان پۇقراسىنىڭ بارلىقىنى، بۇلارنىڭ ئىچىدە ئىككىنچى دەرىجىلىك كۆيۈك يارىسى ئالغان بىر ئايال ۋە تۆت ياشلىق بىر بالىدىن باشقا،  بىر يەمەنلىك، ئىككى مىسىرلىق ۋە بىر پاكىستانلىق پۇقرانىڭمۇ بارلىقىنى ئەسكەرتىلدى.

فىرانسىيە ئاگېنتلىقى (AFP) غا سۆز قىلغان ھەربىي خادىملار، نەجران رايونىدىكى ھۇجۇملارنىڭ يۈز بېرىش ۋاقتىغا دىققەت تارتتى. ئۇلارنىڭ ئېيتىشىچە، بۇ ھۇجۇم ئىراننىڭ قوللىشى ئاستىدىكى خۇسىيلار يەمەننىڭ ئوتتۇرا ۋە شەرق ئۆلكىلىرىدە 58 ئەسكەر ئۆلگەن، 50 كىشى يارىلانغان قانلىق ھەرىكەتلەرنىڭ جاۋابكارلىقىنى ئۆز ئۈستىگە ئېلىپ ئارىدىن بىر قانچە سائەت ئۆتۈپلا يۈز بەرگەن.