كانادا ۋە ياۋروپالىق ئىتتىپاقداشلار ئىسرائىلىيەنىڭ ئىشغالىيىتى ئاستىدىكى ئىيوردان دەرياسىنىڭ غەربىي قىرغىقىدا ساقلىقنى ساقلاش سىستېمىسىنىڭ پۈتۈنلەي ۋەيران بولۇش گىردابىغا بېرىش قېلىشى سەۋەبىدىن، بۇ رايوندىكى بىمارلارنى داۋالاشقا ياردەم بېرىش ۋە غەززەدىن بىمارلارنى تارقاقلاشتۇرۇش چاقىرىقىدا بولدى.
غەرب ئەللىرىدىن تەشكىل تاپقان ئونلارچە دۆلەت دۈشەنبە كۈنى ئىسرائىلىيەنى غەززە بىلەن ئىيوردان دەرياسىنىڭ غەربىي قىرغىقى ئوتتۇرىسىدىكى داۋالاش كارىدورىنى قايتىدىن ئېچىشقا چاقىردى. بۇ دۆلەتلەر غەززەدىكى بىمارلارنىڭ ئىيوردان دەرياسىنىڭ غەربىي قىرغىقىدا داۋالىنىشى ئۈچۈن پۇل ياردىمى، داۋالاش خادىملىرى ياكى ئەسلىھەلەر بىلەن تەمىنلەش تەكلىپىنى سۇندى.
كانادا تەرىپىدىن ئېلان قىلىنغان بىرلەشمە باياناتتا مۇنداق دېيىلدى:
«بىز ئىسرائىلىيەنى غەززەدىكى بىمارلارنىڭ قايتىدىن تارقاقلاشتۇرۇش شارائىتىغا ئېرىشەلىشى، پەلەستىن زېمىنىدا جىددىي ئېھتىياجلىق داۋالىنىش پۇرسىتىدىن بەھرىمەن بولالىشى ئۈچۈن، شەرقىي قۇددۇسنىمۇ ئۆز ئىچىگە ئالغان ئىشغال ئاستىدىكى ئىيوردان دەرياسىنىڭ غەربىي قىرغىقىدا قايتىدىن داۋالاش كارىدورى ئېچىشقا چاقىرىمىز.»
ئامېرىكا قوشما ئىشتاتلىرى ئىمزا قويمىغان باياناتقا ئىمزا قويغان دۆلەتلەر ئىچىدە ئاۋسترىيە، بېلگىيە، كانادا، فىرانسىيە، گېرمانىيە، ئىتالىيە ۋە پولشا قاتارلىق ئەللەر ھەم ياۋروپا ئىتتىپاقى باردۇر.
باياناتتا يەنە مۇنداق دېيىلدى:
«بىز ئىسرائىلىيەنى غەززەگە دورا ۋە داۋالاش ئەسلىھەلىرى يەتكۈزۈشكە قويۇلغان چەكلىمىلەرنى بىكار قىلىشقا چاقىرىمىز.»
ئىنسانپەرۋەرلىك ياردەم تەشكىلاتلىرى ئاۋغۇستنىڭ ئاخىرلىرى ماي ئېيىدا ئىسرائىلىيەنىڭ ياردەمگە قويغان قامىلىنى بىكار قىلغاندىن بۇيان، دورىلارنى ئۆز ئىچىگە ئالغان جىددىي ئېھتىياجلىق ياردەملەرنىڭ غەززەگە پەقەت چەكلىك مىقداردا يېتىپ بارالىغانلىقىنى بىلدۈردى.
دۇنيا سەھىيە تەشكىلاتى ماي ئېيىدا غەززەنىڭ ساقلىقنى ساقلاش سىستېمىسىنىڭ پۈتۈنلەي ۋەيران بولۇش گىردابىغا بېرىپ قالغانلىقىنى جاكارلىغانىدى.
ئىسرائىلىيە غەززەگە بارلىق كىرىش ئېغىزلىرىنى كونترول قىلىش بىلەن بىرگە، رايوننىڭ يېتەرلىك يېمەكلىك ياردىمى ۋە ماتېرىياللار بىلەن تەمىنلىنىۋاتقانلىقىنى ئىلگىرى سۈرمەكتە.
ئاچارچىلىقنىڭ دەردىنى يەتكۈچە تارتىۋاتقان پەلەستىنلىكلەرنىڭ، بولۇپمۇ بالىلارنىڭ فوتو سۈرەتلىرى، 2023-يىلى ئۆكتەبىردىن بۇيانقى ئون مىڭلىغان كىشىنىڭ جېنىغا زامىن بولغان، غەززەنىڭ پۈتۈن نۇپۇسىنىڭ ئۆي – ماكانلىرىدىن ئايرىلىپ قېلىشى ۋە ئاچارچىلىق كىرىزىسىنىڭ باشلىنىشىغا سەۋەب بولغان ئىسرائىلىيەنىڭ غەززەدە داۋاملاشتۇرۇۋاتقان ئۇرۇشى پۈتكۈل دۇنيانىڭ قاتتىق غەزەپ – نەپرىتىنى قوزغىدى.
كۆپ ساندىكى كىشىلىك ھوقۇق مۇتەخەسسىسلىرى، ئالىملار ۋە ب د ت نىڭ دوكلاتلىرى بۇنىڭ ئىرقىي قىرغىنچىلىق ئىكەنلىكىنى ئىسپاتلاپ بەرمەكتە.
ئەنگلىيە ۋە فىرانسىيە قاتارلىق ئامېرىكا قوشما ئىشتاتلىرىنىڭ بەزى مۇھىم ئىتتىپاقداشلىرى ۋاشىنگتوننىڭ تەستىقلىمىغانلىقىغا قارىماي، ب د ت دا كىرىزىسنى ئىككى دۆلەتلىك ھەل قىلىش يولىدا پەلەستىننىڭ دۆلەت سۈپىتىدە ئېتىراپ قىلىنىشىنى قوللىدى.
