يەمەندىكى ھۇسىيلار گۇرۇھى 8-ئىيۇل كۈنى  (6-ئىيۇل يۈز بەرگەنلىكى تەخمىن قىلىنىۋاتقان) قىزىل دېڭىزدا كېتىۋاتقان «Magic Seas» ناملىق چوڭ بىر يۈك پاراخوتىغا قىلغان ھۇجۇمىنىڭ ۋىدېيو كۆرۈنۈشلىرىنى ئېلان قىلدى.

 ھۇسىيلار 7-ئىيۇل كۈنى قىزىل دېڭىزدىكى بىر يۈك پاراخوتىغا قىلىنغان ھۇجۇمنىڭ جاۋابكارلىقىنى ئۆز ئۈستىگە ئالدى. 6-ئىيۇل كۈنى بۈيۈك بىرىتانىيە دېڭىز سودا ھەرىكەتلىرى ئىدارىسى (UKMTO) يەمەننىڭ ھۇدەيدە پورتىنىڭ 51 دېڭىز مىلى غەربىي جەنۇبىدا بىر پاراخوتنىڭ ھۇجۇمغا ئۇچرىغانلىقىنى بىلدۈردى.

 ۋىدېيو كۆرۈنۈشلىرىدە، پاراخوتنىڭ ھۇجۇمغا ئۇچرىغان ئوخشىمىغان جايلىرى كۆرسىتىلگەندىن باشقا، يەمەنلىك گۇرۇپپا ئەزالىرىنىڭ پاراخوتقا قوراللىق بېسىپ كىرگەنلىكىمۇ تەكىتلىنىدۇ. ھۇسىيلار گۇرۇھىنىڭ باياناتچىسى يەھيا سارى ھۇجۇمنىڭ «ئىككى كاپىتانسىز پاراخوت، بەش باللىستىك باشقۇرۇلىدىغان بومبا ۋە ئۈچ ئۇچقۇچىسىز ھاۋا ئاپپاراتى» ئارقىلىق ئېلىپ بېرىلغانلىقىنى ئۇقتۇردى.

 MarineTraffic نىڭ خەۋىرىگە قارىغاندا، ۋىدېيونىڭ ئاخىرىدا، لىبېرىيە بايرىقى ئېسىلغان مەزكۇر يۈك پاراخوتىنىڭ قىزىل دېڭىزغا پۈتۈنلەي چۆكۈپ كەتكەنلىكى كۆرۈلىدۇ.