تۈركىيە دۇنيادىكى تۇنجى راكېتامىيوتلۇق روبوت ئىت «كوز» نى تونۇشتۇردى

دۇنيادىكى تۇنجى راكېتامىيوت سەپلەنگەن روبوت ئىت «كوز» بىلەن تونۇشۇڭ. «كوز» تۈركىيەنىڭ دۆلەت مۇداپىئە سانائىتى ماگناتى «روكەتسان» تەرىپىدىن ئىستانبۇلدا ئۆتكۈزۈلگەن «IDEF 2025» خەلقئارا دۆلەت مۇداپىئە كۆرگەزمىسىدە تونۇشتۇرۇلدى.

تۈركىيەنىڭ «روكەتسان» شىركىتى دۇنيادىكى تۇنجى راكېتامىيوتلۇق روبوت ئىت «كوز» نى كۆرگەزمە قىلدى.

«كوز» 2.5 سائەت ئۈزلۈكسىز ئاپتوماتىك ۋەزىپە ئىجرا قىلالايدۇ.

 ئۇ تۆت دانە لازېرلىق يېتەكلىنىدىغان كىچىك تىپتىكى باشقۇرۇلىدىغان بومبىنى 1250 مېتىرغىچە بولغان مۇساپىگە ئاتالايدۇ.

«كوز»نى ھەم ئاپتوماتىك ھەم تىزگىنەك ئارقلىق كونترول قىلغىلى بولىدۇ.

بۇ ئىجادىيەت تۈركىيە ئارمىيەسىنىڭ ئىستىخبارات، كۆزىتىش ۋە ئالاھىدە ھەرىكەت ئىقتىدارىنى ئاشۇرۇشنى نىشان قىلىدۇ.