ئاخبارات ۋاسىتىلىرىدە كۆرسىتىلىشىچە، ئىسرائىلىيە كۈچلىرى سۈرىيەنىڭ جەنۇبىدىكى قۇنەيترا ئەتراپىغا جايلاشقان ئەلرافىد بيېزىسىنىڭ سىرت تەرەپلىرىنى توپقا تۇتقان.

سۈرىيە مەركەزلىك «ئەلئەخبارىيە» تېلېۋىزىيە ئىستانسىسى شەنبە كۈنى رايونغا ئالتە دانە توپ ئوقى ئېتىلغانلىقىنى بىلدۈرگەن بولۇپ، دەسلەپتە ئادەم ئۆلۈش-يارىلىنىش ياكى بىرەر ماددى زىيان يەتكەنلىكى توغرىسىدا مەلۇمات بېرىلمىدى.

بەش ھەربىي ئاپتوموبىلدىن تەشكىل تاپقان بىر ئىسرائىلىيە ھەربىي ئەترىتى دەسلەپتە ئەلرافىدنىڭ سىرتقى قىسىملىرىغا قاراپ ئىلگىرىلىدى ۋە ئارقىدىن چېكىنىپ كەتتى، ھېچقانداق تۇتقۇن قېلىش ئەھۋالى كۆرۈلمىدى.

ب بۇ ئەڭ يېڭى ۋەقە ئىسرائىلىيەنىڭ رايوندا ئۈزلۈكسىز داۋاملاشتۇرۇۋاتقان تاجاۋۇزچىلىقىدىن كېيىن يۈز بەردى. ئىسرائىلىيە كۈچلىرى پەيشەنبە كۈنى جەنۇبىي قۇنەيترا ئەتراپىدىكى تەل ئەلئەھمەرگە يېقىن جايغا ئىككى دانە توپ ئوقى ئاتتى.

سۈرىيەنىڭ رەسمىي خەۋەر ئاگېنتلىقى سانا (SANA) يەنە، ئىسرائىلىيە كۈچلىرىنىڭ سەيشەنبە كۈنى ئەلرافىدنىڭ غەربىدە بىر پادىچىنى تۇتۇپ كەتكەنلىكىنى ۋە بىر نەچچە سائەتتىن كېيىن قويۇپ بەرگەنلىكىنى خەۋەر قىلدى.

سۈرىيەنىڭ جەنۇبى، بولۇپمۇ قۇنەيترا ۋە دەرا قاتارلىق جايلاردا ئۆيلەرگە باستۇرۇپ كىرىش، تەكشۈرۈش، تۇتقۇن قېلىش ۋە ھەربىي تەكشۈرۈش پونكىتلىرىنى قۇرۇشنى ئۆز ئىچىگە ئالغان تەكرارلىنىدىغان ئىسرائىلىيە مۇداخىلىلىرىگە سەھنىە بولماقتا.

ئۆتكەن ئاي ئىسرائىلىيە ئۇرۇش ئايروپىلانلىرى شىمالىي غەربكە جايلاشقان ئىدلىب ۋىلايىتىدىكى ئەبۇ ئەد-دۇھۇر ھەربىي ئاۋىئاتسىيە بازىسىنىڭ ئۇچۇش يولىغا سەككىز قېتىم ھۇجۇم قىلىپ، ئۇل ئەسلىھەلىرىگە زىيان يەتكۈزگەن ئىدى.

2024-يىلى 12-ئايدا بەششار ئەسەد ھاكىمىيىتى ئاغدۇرۇۋېتىلگەندىن كېيىن ئىسرائىلىيە 1974-يىلدىكى قىسىملارنى ئايرىش كېلىشىمىنىڭ ئەمەلدىن قالغانلىقىنى ئېلان قىلىپ، سۈرىيە توسۇق رايونىنىڭ كونتروللۇقىنى قولغا كىرگۈزۈشى بىلەن ئىسرائىلىيەنىڭ قانۇنسىز پائالىيەتلىرى تېخىمۇ كۈچەيگەن ئىدى.