قۇش زۇكىمىدىن ئەنسىرىشىمىز كېرەكمۇ؟
قۇش زۇكىمى ناھايىتى يۇقۇملۇق بولۇپ، مۆلچەرلىگىلى بولمايدىغان دەرىجىدە تېز ئۆزگىرىۋاتىدۇ.
بىز بۇ گەپلەرنى ئىلگىرى ئاڭلىغان، ئەمما بۇ قېتىم تېمىمىز تاجىسىمان ۋىرۇس توغرىسىدا ئەمەس. بۇ يىل يەنە بىر ۋىرۇس كىشىلەرنىڭ دىققىتىنى قوزغاشقا باشلىدى. ئالىملارنىڭ ئېيتىشىچە، بۇ ۋىرۇسنىڭ ئىنسانلاردىكى ئۆلۈم نىسبىتى %50 دىن يۇقىرى.
بىز گېپىنى قىلىۋاتقان ۋىرۇس «H5N1 قۇش زۇكىمى» ياكى ئاددىيلا «قۇش زۇكىمى» دەپ ئاتىلىدۇ. ئىسمىدىنلا مەلۇم بولغىنىدەك، ۋىرۇس كۆپىنچە قۇشلارغا تەسىر قىلىدۇ، ئەمما پات-پات كېسەل ھايۋانلار بىلەن ئۇچرىشىش ئارقىلىق ئىنسانلارغىمۇ تارقىلىدۇ. ئۇنداقتا، بۇ كېسەلنىڭ ئادەمدىن ئادەمگە تارقىلىشى مۇمكىنمۇ؟ بۇ يۇقۇملۇق كېسەلدىن قانچىلىك ئەنسىرىشىمىز كېرەك؟
