پاكىستان ئارمىيەسى ئالدىنقى ھەپتە ھىندىستان بىلەن بولغان توقۇنۇشلاردا 40 پۇقرا ۋە 11 ئەسكەرنىڭ ھاياتىدىن ئايرىلغانلىقىنى بىلدۈردى.
ھىندىستان بىلەن پاكىستان ئومۇميۈزلۈك قوراللىق توقۇنۇشقا يېقىنلىشىپ قالغاندىن كېيىن، ئۇرۇش توختىتىش ئېلان قىلغانىدى.
ئامېركا پىرېزىدېنتى دونالد ترامپ تەرىپىدىن ھەپتە ئاخىرىدا يادرو قوراللىرىغا ئىگە رەقىب ئىككى دۆلەت ئوتتۇرىسىدا ئۇرۇش توختىتىش كېلىشىمى ھاسىل قىلىنغانلىقى جاكارلانغاندىن كېيىن، پاكىستان ئارمىيەسى تەرىپىدىن سەيشەنبە كۈنى ئېلان قىلىنغان باياناتتا، ھىندىستان بىلەن بولغان ھەربىي توقۇنۇشلاردا 11 ھەربىي ئەسكەر بىلەن 40 پۇقرانىڭ ھاياتىدىن ئايرىلغانلىقى ئەسكەرتىلىپ مۇنداق دېيىلدى:
«ھىندىستان بىلەن بولغان توقۇنۇشلاردا 7 ئايال بىلەن 15 بالىنى ئۆز ئىچىگە ئالغان 40 پۇقرا ھاياتىدىن ئايرىلدى، 121 كىشى يارىلاندى.»
باياناتتا يەنە، پاكىستان ئارمىيەسى ۋە ھاۋا ئارمىيەسى قىسىملىرىدىن 11 ئەسكەرنىڭ ھاياتىدىن ئايرىلغانلىقى، 78 ئەسكەرنىڭ يارىلانغانلىقى بىلدۈرۈلدى.
ئەسكەرتىش: بۇ مەزمۇن ئۆزگىرىشچان خەۋەر بولۇپ، داۋاملىق يېڭىلىنىپ تۇرىدۇ.
