ئەمەلدارلارنىڭ جۈمە (2026-يىلى 26-ئىيۇن) كۈنى بىلدۈرۈشىچە، تۈركىيە سەھىيە مىنىستىرلىقى بىلەن تۈركىيە دۆلەت مۇداپىئە سانائىتى شىركىتى ئاسەلسان (ASELSAN) ھەمكارلىشىپ تەتقىق قىلىپ ياساپ چىققان يۈرەك-ئۆپكە ماشىنىسىدىن پايدىلىنپ قىلىنغان تۇنجى كىلىنىكىلىق ئوپېراتسىيە مۇۋەپپەقىيەتلىك تاماملانغان.
تۈركىيە سەھىيە مىنىستىرلىقى ئېكس (X) بېتىدە ئېلان قىلغان باياناتىدا، بۇ قېتىمقى ئوپېراتسىيەگە «تۈركىيە سەھىيە سانائىتىدىكى بۇرۇلۇش نۇقتىلىرىنىڭ بىرى» ھەمدە «ھاياتلىق قۇتقۇزۇشتىكى زور قەدەم» دەپ باھا بەردى. باياناتتا، بېمارنىڭ ئوپېراتسىيەدىن كېيىن سالامەتلىكىنىڭ ئەسلىگە كەلگەنلىكى قەيت قىلىندى.
مۇناسىۋەتلىك ئۇچۇرلارTRT World - ASELSAN tops $30B valuation, becomes Türkiye's most valuable firm
تۈركىيە جۇمھۇر رەئىسلىك مەھكىمىسى دۆلەت مۇداپىئە سانائىتى ئىدارىسىنىڭ باشلىقى خالۇق گۆرگۈننىڭ ئېيتىشىچە، «ئاسەلسان ھاياتلىق سىزىقى» (ASELSAN LIFELINE HLM) دەپ ئاتىلىدىغان بۇ ئۈسكۈنە ئوپېراتسىيە جەريانىدا بېمارنىڭ قان ئايلىنىشى ۋە ئوكسىگېن بىلەن تەمىنلەش ئىقتىدارىنى ئۆز ئۈستىگە ئېلىپ، ئوپېراتسىيەنىڭ مۇۋەپپەقىيەتلىك تاماملىنىشىغا ئىمكانىيەت ياراتقان.
ئۇ بۇ سىستېمنى «ئىنژېنېرلىق مۆجىزىسى» دەپ ئاتىدى ۋە ماشىنىنىڭ تۇنجى قېتىم بىر ئوپېراتسىيە جەريانىدا «يۈرەكنىڭ ئورنىدا سوققانلىقى» نى قەيت قىلدى.
مۇناسىۋەتلىك ئۇچۇرلارTRT World - Türkiye targets global defence market with high-tech electronic warfare arsenal
