نورۋېگىيەنىڭ پايتەختى ئوسلودىكى نورۋېگىيە نوبېل ئىنستىتۇتىدا ئۆتكۈزۈلگەن مۇخبىرلارنى كۈتۈۋېلىش يىغىنىدا، 2026-يىللىق نوبېل تىنچلىق مۇكاپاتىنىڭ ساھىبى بىلدۈرۈلدى.
2026-يىللىق نوبېل تىنچلىق مۇكاپاتى، تىنچلىق ۋە خەلقئارا قانۇن ساھەسىدىكى تەتقىقاتلىرى سەۋەبىدىن جەنۇبىي ئافرىقالىق قانۇنشۇناس ناۋانېتھېم ناۋى پىللايغا بېرىلدى.
بۇ ھەقتە ئېلان قىلىنغان باياناتتا، پىللاينىڭ ئۇرۇش جىنايەتلىرى، ئىنسانىيەتكە قارشى جىنايەت سادىر قىلىش ۋە ئىرقىي قىرغىنچىلىق جىنايەتلىرىگە ئالاقىدار سوت قىلىش خىزمەتلىرى ئارقىلىق خەلقئارا قانۇن ساھەسىگە مۇھىم تۆھپىلەرنى قوشقانلىقى، شۇنداقلا ئۇنىڭ پۈتۈن ھاياتىدا ئۇنىۋېرسال قانۇن پىرىنسىپلىرىنى تەشەببۇس قىلىپ كەلگەنلىكى تەكىتلەندى.
باياناتتا يەنە: «نورۋېگىيە نوبېل كومىتېتى تىنچلىقنى كاپالەتكە ئىگە قىلىش ۋە خەلقئارا قانۇننى كۈچەيتىش يولىدىكى تىرىشچانلىقلىرى سەۋەبىدىن 2026-يىللىق نوبېل تىنچلىق مۇكاپاتىنى ناۋى پىللايغا بېرىش قارارى چىقارغانلىقى» بىلدۈرۈلدى.
