سىياسەت
2 مىنۇت ئوقۇش
ئىران ئىسرائىلىيە ۋە پارس قولتۇقىدىكى ئامېرىكا بازىلىرىغا باشقۇرۇلىدىغان بومبا ھۇجۇمى قوزغىدى
تېھراننىڭ ئۆچ ئېلىش ھەرىكىتى ئىرانغا قىلىنغان ھۇجۇمدىن كېيىن ۋەزىيەت جىددىيلەشكەن بىر پەيتتە، ئىسرائىلىيە تېررىتورىيەسىنى ھەمدە بەھرەين، قاتار ۋە ئەرەب بىرلەشمە خەلىپىلىكىدىكى ئامېرىكا بازىلىرىنى نىشان قىلدى.
ئىران ئىسرائىلىيە ۋە پارس قولتۇقىدىكى ئامېرىكا بازىلىرىغا باشقۇرۇلىدىغان بومبا ھۇجۇمى قوزغىدى
ئىران ئىسرائىلىيەنىڭ تېھران ۋە باشقا جايلارغا قىلغان ھۇجۇملىرىغا جاۋاب قايتۇردى. رويتېرس. / Reuters
2026-يىلى2-ئاينىڭ28-كۈنى

ئىران ئوتتۇرا شەرقنىڭ ھەرقايسى جايلىرىدىكى ئامېرىكا ھەربىي بازىلىرىنى نىشانلاپ قايتۇرما زەربە بېرىش خاراكتېرلىك باشقۇرۇلىدىغان بومبا ھۇجۇمى قوزغىدى. بەھرەيندىكى ئامېرىكا دېڭىز ئارمىيەسى 5-فلوتىنىڭ باش ئىشىتابىنىڭ بىۋاسىتە زەربىگە ئۇچرىغانلىقى خەۋەر قىلىندى.

بەھرەين خەۋەر ئاگېنتلىقى بۈگۈن (28-فېۋرال) جۇففەير/مىنا سالمان پورت رايونىدىكى دېڭىز ئارمىيەسى مۇلازىمەت مەركىزىگە بىر باشقۇرۇلىدىغان بومبا چۈشكەنلىكىنى دەلىللىدى.

بەھرەين دۆلەتلىك ئۇچۇر-ئالاقە مەركىزى باياناتىدا: «5-فلوتنىڭ مۇلازىمەت مەركىزى باشقۇرۇلىدىغان بومبا ھۇجۇمىغا ئۇچرىدى. تەپسىلاتلارنى كېيىن ئېلان قىلىمىز» دېدى.

ئوتتۇرا شەرق رايونىغا مەسئۇل ئامېرىكا مەركىزىي قوماندانلىق ئىشتابى (CENTCOM) ھازىرغىچە كۆرۈلگەن زىيان ياكى ئۆلۈم-يېتىم توغرىسىدا ھېچقانداق بايانات ئېلان قىلمىدى.

ئىران ئىسرائىلىيەگە باللىستىك بومبا بىلەن جاۋاب قايتۇردى، ئىسرائىلىيە مۇداپىئە سىستېمىسىنىڭ باشقۇرۇلىدىغان بومبىلارنى توسۇۋالغانلىقى خەۋەر قىلىندى.

ئوتتۇرا شەرقتىكى ئامېرىكا بازىلىرى باشقۇرۇلىدىغان بومبا تەھدىتى ئاستىدا

ئىراننىڭ باشقۇرۇلىدىغان بومبا ھۇجۇملىرى ئىسرائىلىيەنىڭ بۈگۈن ئەتىگەن تېھران ۋە باشقا جايلارغا قىلغان ھۇجۇمىغا بىۋاسىتە جاۋاب ھېسابلىنىدۇ؛

 ئامېرىكا ئۇرۇش مىنىستىرلىقى ئامېرىكا قىسىملىرىنىڭمۇ «جەسۇرچە غەزەپ ھەرىكىتى» (Operation Epic Fury) گە قاتناشقانلىقىنى جاكارلىدى.

ئىران ئەمەلدارلىرى ئۆز زېمىنلىرىغا قىلىنغان ھەرقانداق ھۇجۇمنىڭ قوشنا دۆلەتلەردىكى ئامېرىكا بازىلىرىغا قارىتا ئۆچ ئېلىش ھەرىكىتىنى قوزغايدىغانلىقىنى قايتا-قايتا ئاگاھلاندۇرغان ئىدى.

ئىراننىڭ باشقۇرۇلىدىغان بومبا ھۇجۇمى رايوندىكى ئامېرىكا بازىلىرى جايلاشقان ئورۇنلارنى نىشان قىلدى.

قاتار ئۆز تېررىتورىيەسى ھاۋا تەۋەلىكىدە كېلىۋاتقان ئىراننىڭ ئىككى دانە باشقۇرۇلىدىغان بومبىسىنىنىڭ توسۇۋېلىنغانلىقىنى دەلىللىدى. بۇ يەردە ئامېرىكا ھاۋا ئارمىيەسىنىڭ ئالدىنقى سېپىدىكى باش ئىشتابى ۋە 10 مىڭدىن ئارتۇق ئەسكىرى جايلاشقان غايەت زور ئەل-ئۇدەيد ھاۋا ئارمىيە بازىسى بار.

ئەرەب بىرلەشمە خەلىپىلىكىنىڭ ئەبۇزەبى شەھىرىدىمۇ پارتلاش ۋە ئاسمانغا كۆتۈرۈلگەن ئىس-تۈتەكلەرنىڭ كۆرۈلگەنلىكى خەۋەر قىلىندى. بۇ ئەھۋال ئەرەب بىرلەشمە خەلىپىلىكى ھاۋا تەۋەلىكىنىڭ تاقىلىشىنى كەلتۈرۈپ چىقاردى. ئەرەب بىرلەشمە خەلىپىلىكىدە ئامېرىكا قىسىملىرى جايلاشقان ئىستراتېگىيەلىك ئەھمىيەتكە ئىگە ئەل-دافرە ھاۋا ئارمىيە بازىسى بار.

ئىيوردانىيە پايتەختى ئامماندا سىگنال چېلىندى؛ ئىجتىمائىي تاراتقۇلار ۋە يەرلىك تاراتقۇلارنىڭ خەۋەرلىرىدە، ئامېرىكا بازىسى يېنىدا باشقۇرۇلىدىغان بومبىنىڭ پارتلىغان ئاۋازىنىڭ ئاڭلانغانلىقى بىلدۈرۈلدى.

كۇۋەيتنى ئۆز ئىچىگە ئالغان ئامېرىكا بازىسى بار باشقا پارس قولتۇق دۆلەتلىرىمۇ بىخەتەر جايلاردا «پاناھلىنىش» بۇيرۇقى چىقاردى.

ئىزدىنىڭ
ئامېرىكا ئەسكەرلىرىگە ئىران ئۇرۇشىنىڭ «ئارماگېدون» نى قوزغاش ئۈچۈن «تەڭرىنىڭ پىلانى» دېيىلمەكتە
«ئامېرىكانىڭ ئىران ئۇرۇشى يېقىنقى ئون نەچچە يىلدىن بۇيانقى ئەڭ كەڭ كۆلەملىك ئۇرۇش»
ترامپ: ھورمۇز بوغۇزىدىن ئۆتىدىغان نېفىت پاراخوتلىرىنى ئامېرىكا دېڭىز ئارمىيەسى قوغدايدۇ
جەنۇبىي كورېيەلىك گېنېرال ۋەزىپىسىدىن قالدۇرۇلدى
تۈركىيە ئىسرائىلىيە تەرىپىدىن تۇتقۇن قىلىنغان CNN Türk قانىلى ئۆمىكىنىڭ قويۇپ بېرىلىشىنى تەلەپ قىلدى
ئامېرىكا ئىران ئۇرۇشىنىڭ دەسلەپكى 4 كۈنىدە 2 مىليارد دوللارغا يېقىن ھەربىي ئەسلىھەسىدىن ئايرىلدى
تۈركىيە  6-مارتقىچە ئىران، ئىراق، سۈرىيە، لىۋان ۋە ئىيوردانىيەگە  ئايروپىلان سەپەرلىرىنى توختاتتى
نېتانياھۇ ئايلاردىن بېرى ترامپقا ئىران بىلەن ئۇرۇشقا كىرىشى ئۈچۈن بېسىم ئىشلەتكەن
پارىس قولتۇقى ئەللىرى موسساد جاسۇسلىرىنى پارتلىتىش پىلانى بىلەن قولغا چۈشۈردى
ئىراندا توقۇنۇشلار كەسكىنلىشىۋاتقاندا جاكارتادىن ۋاستىچىلىق تەكلىپى كەلدى
ئەردوغان ئىراندا پۇقرالارنىڭ تارتىۋاتقان ئازابلىرىنى ئەيىبلىدى؛ توقۇنۇشلارنى توختىتىشىنى تەلەپ قىلدى
چەلىك: ئىران ناھەق ۋە قانۇنسىز بىر ھۇجۇمغا دۇچ كەلمەكتە
ئىرانغا قارىتىلغان ھۇجۇملار باشلانغاندىن بۇيان ئامېرىكانىڭ 6 ئەسكىرى ئۆلدى
مېدۋېدېۋ: ئامېرىكا ھاكىمىيەت ئالماشتۇرۇش ئۇرۇنۇشلىرىنى داۋاملاشتۇرسا، ئۈچىنچى دۇنيا ئۇرۇشى باشلىنىدۇ
خ ئا ئې ئا: ئىراننىڭ يادرو ئەسلىھەلىرىگە زىيان يەتكەنلىكىگە دائىر ئالامەت كۆرمىدى