ۋانس ئىلگىرىكى ھەربىي ھەرىكەتلەرنىڭ چەكلىك بولغانلىقىنى تەكىتلەپ، دىپلوماتىيەنىڭ يەنىلا ئەڭ ياخشى تاللاش ئىكەنلىكىنى بىلدۈردى.
ئامېرىكا مۇئاۋىن پىرېزىدېنتى ۋانس پىرېزىدېنت دونالد ترامپنىڭ ئىران بىلەن داۋاملىشىۋاتقان يادرو سۆھبەتلىرى جەريانىدا، مەزكۇر دۆلەتكە قارىتا ھەربىي تاللاشلارنى ئويلىشىۋاتقان بىر مەزگىلدە، ئامېرىكانىڭ ئوتتۇرا شەرقتە ئاخىرى كۆرۈنمەيدىغان بىر ئۇرۇشقا كىرىپ قالمايدىغانلىقىنى جاكارلىدى.
ۋانس ۋىسكونسىندىكى بىر پائالىيەتتىن ۋاشىنگتونغا قايتىش يولىدا «The Washington Post» گېزىتىنىڭ زىيارىتىنى قوبۇل قىلغان بەرگەن باياناتىدا، ئۇزۇن يىللار داۋاملىشىدىغان بىر توقۇنۇش پىكىرىنى رەت قىلدى. ئۇ مەزكۇر گېزىتكە بەرگەن باياناتىدا: «ئالدىمىزدا ئاخىرى كۆرۈنمەيدىغان، يىللارچە داۋاملىشىدىغان بىر ئوتتۇرا شەرق ئۇرۇشىدا يەر ئالىمىز دەيدىغان قاراشنىڭ يۈز بېرىش ئېھتىماللىقى يوق» دېدى.
بۇ باياناتلار، ئامېرىكا قوشما ئىشتاتلىرى بىلەن ئىراننىڭ پەيشەنبە كۈنى جەنۋەدە تېھراننىڭ يادرو پىروگراممىسى ئۈستىدە ئېلىپ بېرىلىۋاتقان ئىنتايىن خەتەرلىك مۇزاكىرىلەرنىڭ داۋامى سۈپىتىدە، ۋاسىتىلىك سۆھبەتنىڭ ئۈچىنچى باسقۇچىنى ئۆتكۈزۈۋاتقان بىر پەيتتە ئېلان قىلىندى. ئىران دائىرىلىرى پىكىر ئىختىلاپلىرى داۋاملىشىۋاتقان بولسىمۇ، مۇزاكىرىلەرنى سەمىمىي ۋە ئۈنۈملۈك دەپ تەسۋىرلىدى.
ۋانس ئۆتكەن يىلى ئىراندا ئېلىپ بېرىلغان ھەربىي ھەرىكەتنى ۋە يانۋار ئېيىدا ۋېنېزۇئېلا پىرېزىدېنتى نىكولاس مادۇرونىڭ قولغا ئېلىنىشىنى چېگراسى ۋە نىشانى ئېنىق بولغان ھەربىي ھەرىكەتلەرگە مىسال قىلىپ كۆرسەتتى. ئۇ بۇ تەشەببۇسلارنىڭ ئېنىق مەقسىتى ۋە ئاخىرلىشىش نۇقتىسى بارلىقىنى بىلدۈردى.
ئامېرىكا مۇئاۋىن پىرېزىدېنتى ۋانس ئۆزىنى يەنىلا «چەت ئەلگە ھەربىي جەھەتتىن ئارىلىشىشقا گۇمان بىلەن قارايدىغان بىر شەخس» دەپ قارايدىغانلىقىنى ئېيتتى. ئۇ «Post» گېزىتىگە بەرگەن باياناتىدا: «مېنىڭچە ھەممىمىز دىپلوماتىك تاللاشنى ئەۋزەل كۆرىمىز. لېكىن بۇ ئەھۋال ھەقىقەتەن ئىرانلىقلارنىڭ نېمە قىلىدىغانلىقىغا ۋە نېمە دەيدىغانلىقىغا باغلىق» دېدى.
ئۆتمۈشتىكى توقۇنۇشلاردىن ھاسىل قىلىنغان تەجرىبە-ساۋاقلار ھەققىدە سورالغان سوئالغا جاۋاب بەرگەن ۋانس، بۇ تەجرىبە-ساۋاقلارنى ھەم ئۇنتۇپ قالماسلىق، ھەم ئۇنى قارىغۇلارچە تەكرارلىماسلىق كېرەكلىكى ھەققىدە ئاگاھلاندۇرۇش بېرىپ مۇنداق دېدى:
«ئۆتمۈشتىكى خاتالىقلارنى تەكرارلاشتىن ساقلىنىشىمىز كېرەك دەپ قارايمەن. شۇنىڭ بىلەن بىر ۋاقىتتا، ئۆتمۈشتىكى تەجرىبە - ساۋاقلاردىن ئارتۇقچە مەنا چىقىرىشتىنمۇ ساقلىنىشىمىز لازىم. بىر پىرېزىدېنتنىڭ بىر ھەربىي توقۇنۇشنى ئوڭۇشلۇق بىر تەرەپ قىلالماسلىقى، ھەرگىزمۇ بىزنىڭ بىر ھەربىي مۇساپىگە قايتا قاتنىشالمايدىغانلىقىمىزدىن دېرەك بەرمەيدۇ.»
يەنە بىر تەرەپتىن، ئىران تاشقى ئىشلار مىنىستىرى ئابباس ئاراقچى جەنۋە يىغىنىنى ئىلگىرىلەش ھاسىل قىلىنغان «جىددىي» بىر يىغىن دەپ تەسۋىرلىدى ۋە تەخمىنەن بىر ھەپتە ئىچىدە يېڭى بىر نۆۋەتلىك سۆھبەت ئۆتكۈزۈلۈشى مۇمكىنلىكىنى ئەسكەرتتى. ئاراقچى ئىران دۆلەت تاراتقۇلىرىغا بەرگەن باياناتىدا: «ئەلۋەتتە يەنىلا پىكىر ئىختىلاپلىرى بار، بۇ تەبىئىي ئەھۋال؛ ئەمما ئۆتمۈش بىلەن سېلىشتۇرغاندا، ھەر ئىككى تەرەپ مۇزاكىرە قىلىنغان بىر ھەل قىلىش چارىسى تېپىش مەسىلىسىدە تېخىمۇ كۆپ سەمىمىي پوزىتسىيە تۇتماقتا.»
ترامپنىڭ دۆلەت ئەھۋالىدىن مەلۇمات بېرىش نۇتقى بولسا، دائىرىلەر دىپلوماتىيەنى داۋاملاشتۇرۇۋاتقان بولسىمۇ، ئىراننىڭ باشقۇرۇلىدىغان بومبا پىروگراممىسى ۋە يادرو نىشانلىرىغا بولغان ئەندىشىلەرنى كۈچەيتىۋەتتى.
