خەلقئارا ئېنېرگىيە ئورگىنى پەيشەنبە كۈنى ئېلان قىلغان باياناتىدا، ئىستراتېگىيەلىك زاپاستىن رېكورت مىقداردا نېفىت چىقىرىشقا كېلىشكەندىن كېيىن، تارىختىكى ئەڭ چوڭ نېفىت تەمىناتىنى قىسقارتىشنى كەلتۈرۈپ چىقارغانلىقىنى بىلدۈردى.
ئامېرىكا بىلەن ئىسرائىلىيە 28-فېۋرال ئىرانغا قارشى ھاۋا ھۇجۇمى باشلىغاندىن بۇيان، ئىران دېڭىز قىرغىقىدىكى تار لىنىيە بولغان ھۆرمۇز بوغۇزىنىڭ تاقىلىشى، مارتتا دۇنيا نېفىت تەمىناتىنى كۈنىگە 8 مىليون ۋارىلغا قىسقارتىشى مۇمكىن دەپ قارالماقتا.
خەلقئارا ئېنېرگىيە ئورگىنى ئەڭ يېڭى ئايلىق نېفىت بازىرى دوكلاتىدا، ئوتتۇرا شەرقتىكى پارىس قولتۇقى دۆلەتلىرىنىڭ توقۇنۇش نەتىجىسىدە جەمئىي نېفىت ئىشلەپچىقىرىشىنى كەم دېگەندە 10 مىليون ۋارىل ئازايتقانلىقىنى (بۇ مىقدار دۇنيا ئېھتىياجىنىڭ تەخمىنەن %10 گە توغرا كېلىدۇ) ۋە توشۇش پائالىيەتلىرى تېزدىن ئەسلىگە كەلتۈرۈلمىسە، بۇ زىياننىڭ تېخىمۇ ئېشىپ كېتىدىغانلىقىنى ئەسكەرتتى.
خەلقئارا ئېنېرگىيە ئورگىنىنىڭ باياناتىدا يەنە مۇنداق دېيىلدى:
«ئىشلەپچىقىرىشنىڭ كىرىزىستىن ئىلگىرىكى سەۋىيەگە قايتىشى، كان رايونىنىڭ مۇرەككەپلىك دەرىجىسىگە ھەمدە ئىشچىلار، ئۈسكۈنىلەر ۋە بايلىقلارنىڭ رايونغا قايتىش ۋاقتىغا باغلىق بولۇپ، بۇ جەريان بىرنەچچە ھەپتە، ھەتتا بەزى ئەھۋاللاردا بىرنەچچە ئاي داۋاملىشىشى مۇمكىن.»
