تۈركىيەنىڭ ئاپەت ۋە جىددىي ئەھۋاللارنى باشقۇرۇش ئىدارىسى (AFAD) نىڭ باياناتىغا ئاساسلانغاندا، تۈركىيەنىڭ بالىكەسىر ۋىلايىتىدە دۈشەنبە كېچىسى 6.1 چوڭلۇقىدا يەر تەۋرەش يۈز بەرگەن بولۇپ، يەر تەۋرەش ئىستانبۇل ۋە باشقا شەھەرلەردىمۇ سېزىلگەن.

يەر تەۋرەش تۈركىيە ۋاقتى سائەت 22:48 دە (1948 GMT) يۈز بەرگەن؛ ئاپەت ۋە جىددىي ئىشلارغا تاقابىل تۇرۇش ئىدارىسى _ ئافاد يەر تەۋرەشنىڭ تەۋرەش چوڭقۇرلۇقىنىڭ 5.99 كىلومېتىر ئىكەنلىكىنى ھەم ئەتراپتىكى ۋىلايەتلەردە، بولۇپمۇ ئىستانبۇلدا سېزىلگەنلىكىنى بىلدۈرگەن.

ھازىرغىچە بۇ ۋەقەدە ھېچقانداق ئۆلۈم-يېتىم يۈز بەرگەنلىكى خەۋەر قىلىنمىدى.

مۇئاۋىن جۇمھۇر رەئىس جەۋدەت يىلماز تۈركىيەنىڭ N ئىجتىمائىي تاراتقۇ سۇپىسى ئارقىلىق ئېلان قىلغان باياناتىدا: «ئافاد ۋە مۇناسىۋەتلىك باشقا ئورگانلار (يەر تەۋرىگەن) رايونلاردا تەكشۈرۈش خىزمىتىنى باشلىدى، دوكلاتلار ئەستايىدىللىق بىلەن تەكشۈرۈلمەكتە» دېدى.