خەلقئارا جىنايى ئىشلار ساقچى تەشكىلاتى—ئىنتېرپولنىڭ سارايېۋودىكى ئىشخانىسىنىڭ تەلىپىگە ئاساسەن چىقىرىلغان تۇرۇش بۇيرۇقىنىڭ، دودىكنىڭ بوسنىيە - گېرتسېگوۋىنا جىنايى ئىشلار قانۇنىنىڭ 156-ماددىسىدا بەلگىلەنگەن ئاساسىي قانۇنلۇق تەرتىپكە خىلاپلىق قىلغانلىقىغا دائىر جىنايى ئەيىبلەشلەرنى ئۆز ئىچىگە ئالىدىغانلىقى بىلدۈرۈلدى.

سېربىيەنىڭ «پولىتىكا» گېزىتىنىڭ خەۋىرىگە ئاساسلانغاندا، خەلقئارا جىنايى ئىشلار ساقچى تەشكىلاتى بوسنىيەلىك سېرب رەھبەر مىلوراد دودىك (Milorad Dodik) ۋە بوسنىيە سېرب جۇمھۇرىيىتى [بوسنىيە-گېرتسېگوۋىنا ئىچىدىكى سېربلار ئاپتونومىيەسى] پارلامېنتىنىڭ باشلىقى نېناد ستېۋاندىچ (NenadStevandić) ئۈستىدىن خەلقئارالىق تۇتۇش بۇيرۇقى چىقارغان.

خەلقئارا جىنايى ئىشلار ساقچى تەشكىلاتىنىڭ سارايېۋو ئىشخانىسى تەرىپىدىن ئېلان قىلىنغان بۇيرۇقنىڭ، بوسنىيە - گېرتسېگوۋىنانىڭ جىنايى ئىشلار قانۇنىنىڭ 156-ماددىسىغا ئاساسەن، دۆلەتنىڭ ئاساسىي قانۇنلۇق تەرتىپىگە خىلاپلىق قىلىش جىنايىتى بىلەن مۇناسىۋەتلىك ئىكەنلىكى قەيت قىلىندى.

مەلۇماتلارغا قارىغاندا، بۇ بۇيرۇقلار خەلقئارا جىنايى ئىشلار ساقچى تەشكىلاتىنىڭ بارلىق ئەزا دۆلەتلىرىگە تارقىتىلغان بولسىمۇ، ئەمما ھازىرچە قانۇنىي تەكشۈرۈش باسقۇچىدا تۇرماقتا ئىكەن.

دودىك يېقىندا سېربىيەگە بېرىپ، شىمالىي ئاتلانتىك ئەھدى تەشكىلاتى (ناتو) نىڭ «ئىتتىپاقداش كۈچلەر ھەرىكىتى» نىڭ 26 يىللىقىنى خاتىرىلەش پائالىيىتىگە قاتناشقان.

26 -مارت بوسنىيە چېگرا ساقچىلىرى ئۈستىدىن تۇتۇش بۇيرۇقى چىقىرىلغان دودىكنىڭ سېربىيەگە قانداق ئۆتۈپ كەتكەنلىكىنى تەكشۈرۈشكە باشلىغان.

بىراق، مەلۇماتلارغا قارىغاندا، دودىك شۇ كۈنى سېربىيەدىن ئىسرائىلىيەگە قاراپ يولغا چىققان.