تۈركىيە سودا مىنىستىرى بولات تېھران زىيارىتى جەريانىدا ئىران پىرېزىدېنتى مەسئۇد پەزەشكىيان تەرىپىدىن قوبۇل قىلىندى.

مىنىستىر بولات كېيىنچە ئىراننىڭ پايتەختى تېھراندا چاقىرىلغان تۈركىيە-ئىران قوشما ئىقتىساد كومىتېتىنىڭ 29-قېتىملىق يىغىنىدىن كېيىن بايانات ئېلان قىلدى.

مىنىستىر بولات باياناتىدا، ئۆزئارا سودىنى كۆپەيتىش ۋە ئىككى دۆلەتنىڭ رەھبەرلىرى بەلگىلىگەن ئۆزئارا سودىنى 30 مىليارد دوللارلىق نىشانغا يەتكۈزۈش تىرىشچانلىقلىرىنىڭ ئۈزلۈكسىز داۋاملىشىدىغانلىقىنى؛ بۇ رامكىدا، سودا، قاتناش ۋە ئېنېرگىيە ساھەلىرىدىكى ھەمكارلىقلارنىڭ كۈچەيتىلىدىغانلىقىنى تەكىتلىدى.

ئۇ ئىككى دۆلەت ئوتتۇرىسىدىكى ئورتاق تاموژنا سودىسىنى قولايلاشتۇرۇش مەقسىتىدە چېگرا ئېغىزلىرىنى زامانىۋىلاشتۇرىدىغانلىقلىرىنى ئەسكەرتىپ مۇنداق دېدى:

«ئىران بىلەن يەنە ئىككى چېگرا ئېغىزى ئېچىشقا تىرىشىۋاتىمىز. شۇنداقلا ئىككى دۆلەت ئوتتۇرىسىدىكى چېگرا ئېغىزلىرىدىن ئۆتۈش رەسمىيەتلىرىنى قولايلاشتۇرۇش ۋە بازارلارنى گۈللەندۈرۈشكە تىرىشىۋاتىمىز.

ئىران بىلەن 2015-يىلى ئىمزالانغان ئالاھىدە سودا كېلىشىمىنى قايتا جانلاندۇرۇش ۋە ساياھەت جەھەتتىمۇ كەڭ دائىرىلىك بىر كېلىشىمنى تۈزۈشنى ئۈمىد قىلىمىز.»